ដឹងអត់ថា បិទខេត្តសាមុតសាខនមួយថ្ងៃ ខាតបង់​លុយ​ប៉ុណ្ណា?

  • 2020-12-21 03:01:39
  • ចំនួនមតិ 0 | ចំនួនចែករំលែក 0

ចន្លោះមិនឃើញ


រដ្ឋាភិបាល​ថៃ បាន​បិទ​ខេត្ត​សាមុតសាខន ដោយ​សារ​ការផ្ទុះនូវការឆ្លងរាលដាល​នៃ​វីរុសកូវីដ១៩ ហើយការ​បិទនេះ នឹងធ្វើឱ្យខាតបង់​សេដ្ឋកិច្ច​ប្រហែល ១ពាន់លានបាត (ជាង ៣៣លានដុល្លារ) ក្នុងមួយថ្ងៃ។ នេះបើតាម​ការបញ្ជាក់​របស់​លោកស្រី Amphai Harnkraiwilai ប្រធានសភា​ពាណិជ្ជកម្មខេត្ត​សាមុតសាខន។

លោក​ស្រី​លើកឡើង​ថា ឧស្សាហកម្ម​អាហារសមុទ្រ​របស់​ខេត្តនេះ មានទំហំ​នៃការ​លក់បានប្រមាណ ៤០០ ទៅ ៥០០លាន​បាតក្នុងមួយថ្ងៃ ព្រមទាំង​អាជីវកម្ម​ពាក់ព័ន្ធផ្សេងទៀត ឥឡូវ​សុទ្ធតែត្រូវបាន​បញ្ឈប់​​ ដោយសារការបិទ​ខេត្ត។

យ៉ាងណាក៏ដោយ ទោះ​បីជាមានការខាតបង់​សេដ្ឋកិច្ចធ្ងន់ធ្ងរក៏ដោយ ប៉ុន្តែវាប៉ះពាល់​តែ​ទៅលើ​អាជីវកម្ម​ដែល​ជួលពលករ​បរទេសតែប៉ុណ្ណោះ ចំណែក​អាជីវកម្ម​ដែលមិន​ជួលពលករបរទេស គឺរងផលប៉ះពាល់តិចតួចទេ។

លោកស្រី Amphai Harnkraiwilai បន្តថា ចំពោះ​ប្រតិបត្តិករ​ដែលមិនស្ថិតក្នុង​តំបន់ផ្ទុះនៃការឆ្លង ប៉ុន្តែ​រងផលប៉ះពាល់​ពីការបិទខេត្តសាមុតសាខន សភាពាណិជ្ជកម្មខេត្តនេះ នឹង​លើកយកបញ្ហានេះ ទៅកាន់រដ្ឋាភិបាល៕

ប្រភព៖ Bangkokpost

អត្ថបទថ្មី
;