គ្រូ Barca ថា Messi សប្បាយចិត្តណាស់ជួយក្រុមឈ្នះហើយបំបែកកំណត់ត្រា Pele

2020-12-23 06:10:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Ronald Koeman ជាគ្រូបង្វឹកក្រុម Barcelona បានលើកឡើងពីប្រធានក្រុមសញ្ជាតិអាហ្សង់ទីន Lionel Messi ។ លោកបានឃើញទឹកមុខ Messi ញញឹមជាប់ហើយរូបគេហាក់សប្បាយចិត្តនៅទីនេះខ្លាំងណាស់។ ក្រោយចប់ប្រកួតប្រធានក្រុមដដែលនេះបានផុសលើ Instagram ថា៖ "តាំងពីចេះលេងបាល់មក ខ្ញុំមិនដែលគិតថាអាចបំបែកកំណត់ត្រាអ្វីឡើយ។"

Messi និងកីឡាករវ័យ ១៧ឆ្នាំ Pedri

ម្ចាស់ពានស្បែកជើងមាស ៧ សម័យរបស់ La Liga រូបនេះអាចស៊ុតបញ្ចូលទី១គ្រាប់ ពេលលេងនៅក្រៅដីទល់នឹងក្រុម Real Valladolid ក្នុងចំណោមគ្រាប់បាល់ឈ្នះ ៣-០ ។ ១គ្រាប់នោះបញ្ចូនដោយកីឡាករវ័យក្មេង Pedri ជួយឲ្យ Messi បង្កើតកំណត់ត្រាថ្មីក្នុងនាមជា កីឡាករស្មោះស្ម័គ្រនឹងក្លឹបតែមួយដែលស៊ុតបញ្ចូលទីបាន ៦៤៤ គ្រាប់ច្រើនជាងនរណាទាំងអស់ក្នុងប្រវត្តិសាស្រ្តបាល់ទាត់។ កំណត់ត្រាចាស់ ៦៤៣ របស់ Pele ពេលលេងឲ្យក្លឹប Santos ។

លទ្ធផលឈ្នះនេះបានធ្វើឲ្យ Barcelona នៅឈរលេខ ៥ ដដែលមាន ២៤ ពិន្ទុនៅសល់ ២ប្រកួតក្នុងដៃ។ រីឯក្រុមកំពូលគឺ Atletico Madrid លេងឈ្នះក្រុម Real Sociedad ២-០ ឡើងមកកំពូលតារាងសប្ដាហ៍ទី ១៦។

ទស្សនាវីដេអូខាងក្រោម៖