ទិនហ្វីឈ្នះរឿងក្ដីជាមួយមិត្តស្រីចាស់រឿងបំណុលរាប់លានដុល្លារ
- 2020-12-24 03:08:00
- ចំនួនមតិ 0 | ចំនួនចែករំលែក 0
ទិនហ្វីឈ្នះរឿងក្ដីជាមួយមិត្តស្រីចាស់រឿងបំណុលរាប់លានដុល្លារ
ចន្លោះមិនឃើញ
តុលាការកោះហុងកុងបានសម្រេចឲ្យកំពូលតារាសម្ដែងប្រុសចិន Stephen Chow ឈ្នះរឿងក្ដីជាមួយអតីតមិត្តស្រី ហើយនារីរូបនេះត្រូវទទួលបន្ទុកថ្លៃប្ដឹងផ្ដល់ទាំងអស់។
កាលពីថ្ងៃទី ២៣ ខែធ្នូមុននេះ បណ្ដាញព័ត៌មាន HK01 បានរាយការណ៍ពីការប្ដឹងផ្ដល់រវាងកំពូលតារាសម្ដែងប្រុសចិន Stephen Chow ជាមួយអតីតមិត្តស្រី Yu Wen Feng។ តាមនោះដែរ តុលាការបានសម្រេចឲ្យសិល្បករអាយុ៥៨ឆ្នាំ ឈ្នះរឿងក្ដីមួយនេះ។ បន្ថែមពីនេះ នារីខាងលើត្រូវចេញសងថ្លៃប្ដឹងគ្នានេះទាំងសងខាង ដោយខ្លួនបានចាញ់ក្ដី។ បណ្ដាញព័ត៌មានហុងកុងបានឲ្យដឹងថា អតីតមិត្តស្រីរបស់ស្ដេចកំប្លែងហុងកុងត្រូវចំណាយមិនតិចជាង ២លានដុល្លារកន្លះនោះឡើយ ដោយសារតំណាងរបស់អ្នកទាំង២គឺជាមេធាវីលំដាប់ខ្ពស់៤រូបរបស់កោះហុងកុង។
គួរបញ្ជាក់ផងដែរថា កាលពីខែមិថុនាមុននេះ អតីតមិត្តស្រីរបស់តួរឿង បាល់ទាត់សៅលិញ បានដាក់ពាក្យបណ្ដឹងប្ដឹងអតីតមិត្តប្រុសរបស់ខ្លួនទាមទារ៩លានដុល្លារ។ តាមពាក្យបណ្ដឹង នាងបានឲ្យដឹងថា អំឡុងពេលស្រលាញ់គ្នា នាងបានធ្វើជាអ្នកផ្ដល់យោបល់ដល់ការវិនិយោគទុនរបស់លោកដែលធ្វើឲ្យលោកសល់លុយយ៉ាងច្រើន។ ក្រៅពីលុយប្រាក់ខែ លោកបានសន្យាថានឹងឲ្យប្រាក់ចំណេញខ្លះឲ្យនាងគឺ១០% ដែលសរុបគឺ ១០លានដុល្លារ។ ប៉ុន្តែចាប់ពីពេលនោះមក លោកទើបតែឲ្យនាងបានត្រឹមតែ១លានដុល្លារប៉ុណ្ណោះ ដែលធ្វើឲ្យនាងបៀមទុក្ខអស់១៨ឆ្នាំមកហើយ។
នៅអំឡុងពេលកាត់ក្ដី ស្ដេចកំប្លែងមានអត្រាឈ្នះច្រើនជាងដោយសារតែភស្តុតាងដែលអតីតមិត្តស្រីយកមកគឺសំអាងតែលើមាត់ហើយមិនមានឯកសារច្បាស់លាស់ឡើយ៕