តើ​ទិន្នន័យ​ប្រេងកាត​នៅកម្ពុជា​ទាំងអស់​ ជាកម្មសិទ្ធិរបស់​នរណា?

  • 2020-12-29 01:42:54
  • ចំនួនមតិ 1 | ចំនួនចែករំលែក 27

ចន្លោះមិនឃើញ


យោងតាមមាត្រា២៨ ​នៃច្បាប់​ស្តីពីការ​គ្រប់គ្រងប្រេងកាត និង​ផលិតផលប្រេងកាត មានខ្លឹមសារថា៖

ទន្នន័យ​ប្រេងកាតទាំងអស់​ដែល​ទទួលបាន​ពី​ប្រតិបត្តិការប្រេងកាត គឺជាកម្មសិទ្ធិ​របស់​រដ្ឋ និង​ត្រូវ​គ្រប់គ្រង​ចាត់ចែងដោយ​ក្រសួង​រ៉ែ និងថាមពល។

អ្នកចុះកិច្ចព្រមព្រៀង​ប្រេងកាត​អាចប្រើប្រាស់​ទន្នន័យ​ប្រេងកាត​ដែលពាក់ព័ន្ធ​នឹង​តំបន់​ចុះកិច្ចព្រមព្រៀង​ក្នុងរយៈពេល​សុពលភាព​នៃកិច្ចព្រមព្រៀងប្រេងកាត។

អ្នកចុះកិច្ចព្រមព្រៀង​ប្រេងកាត​ត្រូវប្រគល់​គ្រប់ទិន្នន័យប្រេងកាត​ទាំងអស់​ពីប្រតិបត្តិការ​ប្រេងកាត​ជូនក្រសួងរ៉ែ និងថាមពល នៅពេលកិច្ចព្រមព្រៀង​ប្រេងកាត​ត្រូវបានបញ្ចប់ ឬផុតសុពលភាព។

សូមជម្រាបថា នៅថ្ងៃទី២៩ ខែធ្នូ ឆ្នាំ២០២០ សម្តេចនាយករដ្ឋមន្រ្តី ហ៊ុន សែន បាន​ប្រកាស​អំពី​ការចាប់ផ្តើម​ផលិតកម្មប្រេងដំបូង​របស់​កម្ពុជា នៅតំបន់ប្លុកA ក្នុងដែន​សមុទ្រកម្ពុជា ដែលមាន​ក្រុមហ៊ុន Kris Energy ជាប្រតិបត្តិករនៃគម្រោងនេះ។ ដំណក់ប្រេងលើកដំបូងរបស់កម្ពុជា ចាប់ផ្តើមផលិតចេញពីអណ្តូងប្រេងទី១ ឈ្មោះ A-0ID នៃ ផ្លាតហ្វម A នៅក្នុងប្លុកនៃឈូងសមុទ្រកម្ពុជា៕

;