ព្រោះមូលហេតុនេះទើបរាជិនីសិចហុងកុង Amy Yip ឈប់ពីសិល្បៈកាលកំពុងល្បីខ្លាំង!
- 2021-01-05 06:01:49
- ចំនួនមតិ 0 | ចំនួនចែករំលែក 0
ព្រោះមូលហេតុនេះទើបរាជិនីសិចហុងកុង Amy Yip ឈប់ពីសិល្បៈកាលកំពុងល្បីខ្លាំង!
ចន្លោះមិនឃើញ
កំឡុងទសវត្សឆ្នាំ១៩៨០ និង១៩៩០ អ្នកនិយមមើលរឿងហុងកុងច្បាស់ណាស់ជាស្គាល់ហើយនូវតារាសម្ដែងស្រីដ៏ល្បី Amy Yip ដែលបង្ហាញមុខច្រើននៅក្នុងប្រភេទភាពយន្តក្ដៅសាច់ និងបែបកំប្លែង។ Amy Yip បានឈប់ពីវិស័យសម្ដែងភាពយន្តនៅឆ្នាំ១៩៩៧ ក្នុងវ័យត្រឹម៣២ឆ្នាំប៉ុណ្ណោះ បើទោះជាកំពុងតែកើបលុយបានយ៉ាងច្រើនសន្ធឹកពីសិល្បៈក៏ដោយ។
ការលាឈប់នេះមិនមែនមកពីភាពរកាំរកូស ឬនឿយណាយពីសិល្បៈឡើយ តែដោយសារនាងបានសាងស្នេហ៍ជាមួយបុរសម្នាក់នៅគ្រានោះ។ មិត្តប្រុសរបស់ Amy Yip មានឈ្មោះថា Lim Kiam Hwee ជាវេជ្ជបណ្ឌិតផ្នែកវះកាត់មួយរូប។ រួមរស់ក្រោមដំបូលតែមួយអស់រយៈពេល២៦ឆ្នាំក៏ពិតមែន តែពួកគេទាំង២នាក់មិនបានចុះឈ្មោះរៀបការនោះឡើយ ហើយក៏គ្មានកូនផងដែរ ពោលគឺស្រឡាញ់គ្នាបែបមិត្តប្រុសនិងស្រីរហូតតែម្ដង។
ជារឿងអកុសលមួយសម្រាប់ Amy Yip គឺលោក Lim Kiam Hwee បានទទួលមរណភាពកាលពីចុងឆ្នាំ២០១៨កន្លងទៅព្រោះជំងឺបេះដូង។
ធ្លាប់មានព័ត៌មានចចាមអារ៉ាមពីមុននៅកំឡុងឆ្នាំ២០១៥ថា Amy Yip ចង់វិលត្រឡប់មកប្រឡូកលើឆាកសិល្បៈវិញ ប៉ុន្តែព័ត៌មាននេះត្រូវសាមីខ្លួនបដិសេធ។ Amy Yip បានបញ្ជាក់ថា នាងគ្មានគម្រោងបែបនេះសោះឡើយ តែនាងសារភាពថា នាងនៅតាមដានយ៉ាងយកចិត្តទុកដាក់ចំពោះរឿងរ៉ាវនៅក្នុងពិភពសិល្បៈដដែល។ " មានតារាម៉ូឌែលក្មេងៗជាច្រើននៅទីនោះ។ ចុះខ្ញុំនឹងត្រូវធ្វើដូចម្ដេចអាចប្រជែងពួកគេបាន?" នេះជាការលើកឡើងរបស់ Amy Yip ដែលបច្ចុប្បន្នជាម្ចាស់ភោជនីយដ្ឋានជាច្រើនកន្លែងលើម៉ាកាវ។
សូមរំលឹកថា Amy Yip មានគេស្គាល់ច្រើនតាមរយៈការដើរតួនៅក្នុងភាពយន្តក្ដៅសាច់ហុងកុងជាច្រើន ប៉ុន្តែរឿងដែលគួរឲ្យកត់សម្គាល់មាន២គឺរឿង "Sex and Zen" និងរឿង "Erotic Ghost Story"។ "Sex and Zhen" បានក្លាយជារឿងដែលរកចំណូលបានច្រើនជាងគេក្នុងឆ្នាំ១៩៩១ ដោយការលក់សំបុត្រកុនបានជាង ១៨លានដុល្លារហុងកុង។ ដោយឡែករឿង "Erotic Ghost Story" វិញបានជួយឲ្យកេរ្តិ៍ឈ្មោះ Amy Yip ឡើងឈរនៅលំដាប់កំពូលនៅហុងកុង និងតំបន់អាស៊ី៕