សឹងមិនជឿ! អត់ហាត់ប្រាណសោះ តែអាចសម្រកគីឡូបាន ព្រោះវិធី៥នេះ

2021-01-06 05:51:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រប់គ្នាប្រាថ្នាចង់បានរូបរាងស្អាតស្រឡូន តែក៏មានពេលខ្លះការតាំងចិត្តមិនសមដូចបំណង ដោយសារកត្តារារាំងជាច្រើនគួបផ្សំគ្នា។ ការហាត់ប្រាណគឺជាជម្រើសចម្បងនិងល្អបំផុតសម្រាប់អ្នកចង់ស្គម និងថែរាង តែមិនប្រាកដទេថារាល់មនុស្សម្នាសុទ្ធតែអាចឆ្លៀតពេលហាត់ ឬតាំងចិត្តធ្វើវាឲ្យបាន។ ប្រសិនបើអ្នកមិនអាចអនុវត្តវិធីហាត់ប្រាណ នោះក៏មិនបានន័យថា គ្មានជម្រើសផ្សេងទៀតដែរ។

ខាងក្រោមនេះគឺជាសកម្មភាពចំនួន៥ ដែលអាចដុតបំផ្លាញខ្លាញ់យ៉ាងមានប្រសិទ្ធភាព សក្ដិសមបំផុតសម្រាប់អ្នកមិនចូលចិត្តធ្វើលំហាត់ប្រាណ៖

១. ដើរផ្សារ

មិននិយាយលេងសើចទេ នេះគឺជាវិធីល្អ និងមានប្រសិទ្ធភាពបំផុតសម្រាប់អ្នកធាត់ ពិសេសចំពោះមិត្តនារីៗ។ ការដើរផ្សាររយៈពេល១ម៉ោង អាចដុតបំផ្លាញសាច់ខ្លាញ់ក្នុងខ្លួនបានប្រមាណ ២៣០កាឡូរីឯណោះ។

២. សកម្មក្នុងជីវភាពប្រចាំថ្ងៃ

ការដើរ ចម្អិនម្ហូប ស្រោចទឹកផ្កា និងសកម្មភាពក្នុងជីវិតប្រចាំថ្ងៃជាច្រើនទៀត អាចជួយសម្រកទម្ងន់បានយ៉ាងល្អប្រសើរ។ ក្នុង១សប្ដាហ៍ គួរបញ្ចេញសកម្មភាពរាងកាយនានាឲ្យបាន ១៥០នាទីយ៉ាងតិច។

៣. ប្ដូរទម្លាប់ហូបចុក

វិធីនេះប្រហែលជាលំបាកសម្រាប់មនុស្សមួយភាគធំ។ ប៉ុន្តែបើអ្នកអាចជម្នះបាន នោះវានឹងល្អសម្រាប់ការសម្រកទម្ងន់ និងសុខភាពរាងកាយទាំងមូលពេញមួយជីវិត។ អ្វីដែលត្រូវធ្វើគឺគួរផ្លាស់ប្ដូរទម្លាប់ហូបអាហារសម្បូរជាតិខ្លាញ់ ស្ករ និងភេសជ្ជៈជាតិអាកុល ដោយជំនួសមកវិញនូវការទទួលបន្លែផ្លែឈើឲ្យបានច្រើន។

៤. គេងឲ្យគ្រប់គ្រាន់

ការគេងមិនឆ្អែតអាចបង្កើនជាចំណង់ស្រេកឃ្លានអាហារនៃរាងកាយបាន ពោលគឺចេះតែឃ្លាននេះឃ្លាននោះមិនចប់សោះ។ បើតាមអ្នកជំនាញ មនុស្សដែលគេងគ្រប់គ្រាន់អាចកាត់បន្ថយចំណង់ឃ្លានអាហារយ៉ាងមានប្រសិទ្ធភាព ក៏ដូចជាអាចដុតបំផ្លាញជាតិខ្លាញ់យ៉ាងល្អនៅក្នុងរាងកាយ។

៥. ត្រូវមានដបទឹកដាក់តាមខ្លួន

យោងតាមការសិក្សាមួយនៅសៀវភៅ Physiology & Behavior បានឲ្យដឹងថា ៦០% នៃមនុស្សយល់ច្រឡំការស្រេកទឹកទៅជាការឃ្លានអាហារទៅវិញ ពោលគឺរាងកាយត្រូវការទឹក តែបែរជាយើងមានអារម្មណ៍ថាឃ្លានទៅរកអាហារញ៉ាំទៅវិញ។ ដូច្នេះហើយអ្នកគួរផឹកទឹកឲ្យបានច្រើនតាមដែលអាចធ្វើបាន បើពិតជាចង់សម្រកគីឡូប្រាកដមែន ព្រោះការផឹកទឹកនឹងកាត់បន្ថយចំណង់អាហារ ហើយជួយសម្រួលដល់ប្រព័ន្ធរំលាយអាហារឲ្យដំណើរការល្អថែមទៀតផង៕