បែក​ធ្លាយ​ព័ត៌មាន Kanye West លែងលះ​ Kim ដើម្បី​ទាក់ទង​ជាមួយ Jeffree Star

  • 2021-01-08 02:26:00
  • ចំនួនមតិ 0 | ចំនួនចែករំលែក 1

ចន្លោះមិនឃើញ


ពិភពសិល្បៈ​ហូលីវូដ​មួយ​ទាំង​មូល​ កំពុង​ជ្រួលច្របល់​នៅ​ពេល​រឿង​រ៉ាវ​កំពូល​តារា​ចម្រៀង​រ៉េប​អាមេរិក បាន​សម្រេច​ចិត្ត​លែងលះ​រាជិនី​ទូរទស្សន៍ Kim Kardashian ដើម្បី​ផ្ដើម​ស្នេហា​ជាមួយ​ CEO ប្រេន​គ្រឿង​សំអាង Jeffree Star។

កាល​ពី​ថ្ងៃ​ទី​៧ ខែ​មករា​មុន​នេះ បណ្ដាញ​ព័ត៌មាន Insider បាន​ធ្វើ​ឲ្យ​រំជួយ​អស់​ពិភព​សិល្បៈ​ហូលីវូដ ដោយ​សារ​ប្រភព​ខាង​លើ​បាន​នាំ​ពាក្យ​ប្រភព​ជា​ច្រើន​ថា តារា​ចម្រៀង​រ៉េប​ល្បី​ឈ្មោះ Kanye West កំពុង​តែ​មាន​មនោសញ្ចេតនា​ស្នេហា​ជាមួយ កំពូល Youtuber Jeffree Star ខណៈ​រឿង​រ៉ាវ​លែងលះ​ជាមួយ​ប្រពន្ធ ដែល​ជា​រាជិនីទូរទស្សន៍ Kim Kadarshian មិនទាន់​ដាច់​ស្រេច។

តាម​នោះ​ដែរ តារា Tiktok លោក Ava Louise បាន​ប្រាប់​ទៅ​ប្រភព​នានា​ថា ម្ចាស់​បទ E.T កំពុង​រៀប​ចំ​សំណុំ​រឿង​លែងលះ​​ប្រពន្ធ ហើយ​កំពុង​ស្រលាញ់​គ្នា​ជាមួយប្រុស Beauty Guru កំពូល​​ម្នាក់​ផង​ដែរ។ បុរស​ខាង​លើ​ក៏​បន្ថែម​ដែរ​ថា អ្នក​នៅ​ក្នុង​សិល្បៈ តាម​ពិត​ទៅ​អ្នក​ណា​ក៏​បាន​ដឹង​រឿង​ខាង​លើ​រួច​ហើយ។ រឿង​មិន​ទាន់​ស្ងប់​ស្ងាត់​បាន​ប៉ុន្មាន​ផង​ ស្រាប់​តែ CEO ប្រេន​គ្រឿង​សំអាង Jeffree Star បង្ហោះ​រូប​ថត​ ដោយ​ភ្ជាប់​ជាមួយ caption ថា I’m ready for Sunday Service (ខ្ញុំ​បាន​ត្រៀម​ខ្លួន​រួច​ហើយ​សម្រាប់​កម្ម​វិធី Sunday Service)។ អ្វី​ដែល​ធ្វើ​ឲ្យ​គេ​មិន​ជឿ​នោះ​គឺ​ Sunday Service គឺ​ជា​​កម្មវិធី​ប្រគំតន្ត្រី និង​បង្ហាញ​ម៉ូដ​ខោអាវ​ដែល​បង្កើត​ឡើង​ដោយ Kanye West សម្រាប់​អ្នក​កាន់​សាសនា​យេស៊ូ។

សកម្មភាព​នេះ​របស់ ប្រុស​ស្អាត ៣៥​ឆ្នាំ​ ស្ទើ​តែ​ជឿ​ទាំង​ស្រុង​ថា អ្នក​ទាំង​២​ពិត​ជា​កំពុង​មាន​ទំនាក់ទំនង​នឹង​គ្នា​ពិត​មែន។ មុន​នោះ​ដែរ Jeffree បាន​បែក​គ្នា​ជាមួយ​មិត្ត​ប្រុស​ដែល​ស្រលាញ់​គ្នា​៥​ឆ្នាំ Nathan កាល​ពី​ឆ្នាំ​ទៅ៕

ប្រភព៖ Kenh14 ប្រែ​សម្រួល៖ Caramel

;