​នេះជា​មេដឹកនាំ​អាស៊ាន​ដំបូងគេ ដែល​ចាក់វ៉ាក់សាំង​កូវីដ១៩!

  • 2021-01-08 06:10:43
  • ចំនួនមតិ 0 | ចំនួនចែករំលែក 12

ចន្លោះមិនឃើញ


​លោក លី ស៊ានឡុង នាយករដ្ឋមន្រ្តី​សិង្ហបុរី បាន​ចាក់វ៉ាក់សាំងបង្ការ​ជំងឺកូវីដ១៩​របស់​ក្រុមហ៊ុន Pfizer-BioNTech ហើយ នៅថ្ងៃទី៨ ខែមករា ឆ្នាំ​២០២១នេះ ដោយបាន​ធ្វើឱ្យលោកក្លាយ​ជាមេដឹកនាំអាស៊ានដំបូងគេ​ដែល​ទទួលចាក់វ៉ាក់សាំងនេះ។

លោកបាន​ចាក់វ៉ាក់សាំងនេះ​រួមជាមួយ​បុគ្គលិកនៅ​មន្ទីរពេទ្យសិង្ហបុរី ក្នុងអំឡុងពេលប្រទេសនេះ បាន​ចាប់ផ្តើម​កម្មវិធីចាក់សាំងដល់គ្រូពេទ្យទូទៅជាផ្លូវការ បន្ទាប់ពី​ចាក់ឱ្យគ្រូពេទ្យជួរ​មុខតាំងពីថ្ងៃទី៣០ ខែធ្នូ ឆ្នាំ​២០២០។

ថ្លែង​ទៅកាន់​អ្នកកាសែត លោក លី ស៊ានឡុង បញ្ជាក់​ថា លោក​សប្បាយចិត្ត​ពេលឃើញ​ការ​ចាប់ផ្តើម​នូវកម្មវិធីចាក់វ៉ាក់សាំងនេះ។ «ខ្ញុំសូមយកឱកាស​នេះ បង្ហាញនូវ​ការចាក់វ៉ាក់សាំងរបស់ខ្ញុំ ហើយពេល​នេះ​ខ្ញុំបានធ្វើវារួចហើយ។ ក្រោយចាក់ ៣០នាទីក្រោយមក គឺគ្មាន​អ្វី​កើតឡើង​ចំពោះខ្ញុំទេ»។

លោកនាយករដ្ឋមន្រ្តី​បន្តថា៖ «ខ្ញុំមានកាតរបស់ខ្ញុំ ហើយ​ណាត់​ខ្ញុំមកចាក់លើកទី២ នៅ៣សប្តាហ៍ទៀត។ វាគ្មាន​ការឈឺចាប់អ្វីឡើយ វាមានប្រសិទ្ធភាព និងមានសារៈសំខាន់»៕

ប្រភព៖ Channelnewsasia

;