រឿងពិត! ក្រុម ២ ដែលមួយទើបនឹង ឈ្នះ ឯមួយទៀតចាញ់ លើកដំបូង

2021-01-11 03:07:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុម FC Schalke 04 លេងទល់នឹងក្រុមរួមលីគ Hoffenheim យកឈ្នះដោយលទ្ធផល ៤-០ ខណៈអ្នកដែលរកគ្រាប់បាល់ដោយកីឡាករវ័យ ១៩ ឆ្នាំ Matthew Hoppe សញ្ជាតិអាមេរិក Hat-trick និង១គ្រាប់ទៀតដោយ Amine Harit ក្នុងការប្រកួតពានលីគកំពូលអាឡឺម៉ង់ Bundesliga កាលពីថ្ងៃសៅរ៍កន្លងទៅ។

Hoppe

ក្រោយចប់ការប្រកួតយប់បាន ៣ ពិន្ទុបែបនេះបានធ្វើឲ្យ Schalke ដែលលេងចាញ់ជិត ៣០ ប្រកួតមកហើយនោះ អាចរកបានជ័យជម្នះជាលើកដំបូង នៅឆ្នាំ ២០២១ ចំណែកឯវីរបុរសវ័យ ១៩ ឆ្នាំក៏បានក្លាយជា កីឡាករអាមេរិកដំបូងបំផុតដែលរកបាន ៣គ្រាប់ម្នាក់ឯងនៅ Bundesliga ។ បច្ចុប្បន្ន Schalke នៅបាតតារាងដដែលមាន ៧ ពិន្ទុក្រោយឆ្លងកាត់អស់ ១៥ ប្រកួតនៅរដូវកាលថ្មី។

រីឯក្រុម AC Milan ពេលលេងទល់នឹងក្រុម Juventus បានរងបរាជ័យដោយលទ្ធផល ៣-១ ក្លាយជា ក្រុមដែលទើបនឹងលេងចាញ់ លើកដំបូងក្នុងឆ្នាំ ២០២១ ក្រោយធ្វើបានល្អជាង ១៧ ប្រកួតមកហើយក្នុងលីគ និងមិនបរាជ័យសោះ តាំងពីពាក់កណ្ដាលរដូវកាលមុន (គិតគ្រប់កម្មវិធីទាំងអស់)។