ម៉ូតូ Honda PCX e: HEV (Hybrid) មាន​កម្លាំង​ម៉ាស៊ីន ១៦០សេសេ ជា​ប្រភេទ​ម៉ូតូ​ដែល​កំពុង​ទាញ​ចំណាប់​អារម្មណ៍​ពី​អ្នក​ប្រើ​ប្រាស់​ជា​ច្រើន ដោយ​កំពុង​អ៊ុត​មើល​តម្លៃ​របស់​វា​ពេល​មក​ដល់​ខ្មែរ។

ម៉ូតូ PCX 160ថ្មីនេះចែកចេញជា ២ ម៉ូដែល គឺ PCX160 និង PCX e: HEV (Hybrid) ដោយការឌីហ្សាញខុសពី​ស៊េរី​មុនៗ​។ Honda PCX ស៊េរី​ថ្មី​នេះ​មានបំពាក់ចង្កៀងមុខ LED ចង្កៀងក្រោយរាងអក្សរ X ឌីហ្សាញបែប 3D, កុងទ័រ LED ថ្មី ចែកចេញជា ៣ផ្នែក, រន្ធសាកភ្លើង USB Type-C និង ប្រព័ន្ធ Smartkey។

តាម​ប្រភព​ពី​អ្នក​ម្នាក់​នៅ​ខ្មែរ​បាន​បង្ហើប​ប្រាប់ Honda PCX160 e: HEV ប្រភេទប្រើម៉ាស៊ីន Hybrid ស៊េរី​ថ្មី​ពុំ​មាន​ដំណឹង​នឹង​មក​ដល់​ខ្មែរ​នៅ​ថ្ងៃ​ណា​ឡើយ។ តែ​បើ​តាម​ប្រភព​ពី​ម្ចាស់​ហាង​មួយ​នៅ​ម្ដុំគិរីរម្យ​​បាន​ប្រាប់ Honda PCX160 e: HEV ប្រភេទប្រើម៉ាស៊ីន Hybrid នេះ​អាច​មាន​តម្លៃ​ក្បែរ ៦ ០០០ដុល្លារ (តម្លៃ​ប្រហាក់ប្រហែល)។

កម្រិតស៊ីសាំងវិញ ម៉ូតូ PCX160 ហើយ PCX e: HEV ស៊ី ៥៥,៤គីឡូម៉ែត្រ/លីត្រ។ PCX160 ម៉ូដែល PCX e: HEV មានតែ ២៤លីត្រប៉ុណ្ណោះ។ PCX160 បំពាក់ម៉ាស៊ីន eSP+ ថ្មី ទំហំ ១ស៊ីឡាំង មានធុងទឹកស្អំ ប្រើប៊ិចសាំង Fi មានកម្លាំង ១៦០សេសេ។

Honda PCX e: HEV វិញ គឺប្រើម៉ាស៊ីន Hybrid ដោយគួបផ្សំម៉ាស៊ីនកម្លាំង ១៦០សេសេ ជាមួយម៉ូទ័រអគ្គិសនី និងកញ្ចប់អាគុយអគ្គិសនីមួយ។ PCX160 នេះក៏មានមុខងារ HSTC torque control system, ហ្វ្រាំង ABS, កាំមុខ ១៤អ៊ីញ និង កាំក្រោយ ១៣អ៊ីញ៕