ធ្លាក់​ខ្យល់​រងា មិន​ត្រឹម​តែ​ធ្វើ​ឲ្យ​អាអូនតូច​រួញ​ទេ តែ​អាច​ជួប​បញ្ហា​ទាំង​នេះ​ទៀត!

  • 2021-01-12 22:43:07
  • ចំនួនមតិ 49 | ចំនួនចែករំលែក 73

ចន្លោះមិនឃើញ


នៅ​​ពេល​ចុះ​ត្រជាក់​ខ្លាំង​ក្រោម​១៥​អង្សា នោះ​ប្រដាប់​ភេទ​របស់​បុរស​​ភាគ​ច្រើន​នឹង​រួញ​តូចជាង​ធម្មតា។ បើ​តាម​អ្នក​ជំនាញ បាន​ឲ្យ​ដឹង​ថា ប្រដាប់​ភេទ​បុរស​អាច​រួញ​​ប្រវែង​ដល់ ៥០%​ឯណោះ ហើយ​បើ​ផ្នែក​​ទទឹង​វិញ អាច​រួញ​តូច​ជាង​មុន ២០% ដល់ ៣០%។

អ្នក​ស្រី​វេជ្ជបណ្ឌិត Annabelle Knight ឯកទេស​ខាង​​ទំនាក់ទំនង​ផ្លូវ​ភេទ​របស់​អង់គ្លេស បាន​ឲ្យ​ដឹង​ថា បន្ថែម​ពី​ភាព​រួញ​តូច ប្រដាប់​ភេទ​បុរសៗ​ក៏​អាច​ជួប​ប្រទះ​បញ្ហា​២​ទៀត​នៅ​ពេល​អាកាសធាតុ​ចុះ​ត្រជាក់​ផង​ដែរ ​ដោយ​នោះ​គឺ​ជា​ការ​មិន​ងាយ​ឡើង​រឹង​នៃ​លិង្គ និង​ការ​ចំណាយ​ពេល​យូរ​ជាង​មុន​ក្នុង​ការ​​ទទួល​អារម្មណ៍​សម្រេច​កាម។ អ្នក​ស្រី Annabelle ពន្យល់​ថា នៅ​ពេល​ត្រជាក់ រាងកាយ​នឹង​​​​បញ្ជូន​កម្ដៅ និង​ថាមពល​​ពី​ផ្នែក​​ផ្សេងៗ​ទៅ​កាន់​សរីរាង្គ​សំខាន់​ដែល​ស្ថិត​នៅ​​ផ្នែក​កណ្ដាល​នៃ​រាងកាយ។ ក្នុង​ន័យ​នេះ​ ​រាងកាយ​នឹង​កាត់​បន្ថយ​លំហូរ​ឈាម​ទៅ​កាន់​ផ្នែក​​មិន​សូវ​សំខាន់​​ដូចជា ម្រាម​ដៃ ចុង​ជើង និង​លិង្គ ជា​ដើម ដើម្បី​រក្សា​កម្ដៅ​​ការពារ​សរីរាង្គ​សំខាន់​នៅ​ក្នុង​ខ្លួន។ កត្តា​ដូច្នេះ​ហើយ​ទើប​លិង្គ​មិន​ងាយ​ឡើង​រឹង ហើយ​មិន​ងាយ​​មាន​អារម្មណ៍​ផ្លូវ​ភេទ​ ព្រោះ​លំហូរ​ឈាម​​ត្រូវ​បាន​ត្បៀត​ឲ្យ​តូច​ជាង​មុន។

យ៉ាង​ណា​មិញ កត្តា​ដូច​បាន​រៀបរាប់​ខាង​លើ មិន​មែន​ជា​ផល​ប៉ះពាល់​​អចិន្ត្រៃយ៍​នោះ​ឡើយ ពោល​គឺ​វា​នឹង​សាប​រលាប​ទៅ​តាម​អាកាសធាតុ។ ហេតុ​ដូចនេះ​បុរសៗ​មិន​គួរ​មាន​អារម្មណ៍​ព្រួយ​បារម្ភ​ខ្លាំង​ពេក​ទេ​ទៅ​លើ​សមត្ថភាព​ផ្លូវភេទ​របស់​ខ្លួន​ដែល​ខុស​ប្លែក​ពី​សព្វ​ដង នៅ​អំឡុង​ខែ​ត្រជាក់៕

ប្រភព៖ BBC | Mirror ប្រែ​សម្រួល៖ ឈាង.

;