ដឹងអត់ថា សម្តេច ហ៊ុន សែន ធ្វើជានាយករដ្ឋមន្រ្តី តាំងពីសម័យណាមក?
- 2021-01-14 01:47:56
- ចំនួនមតិ 0 | ចំនួនចែករំលែក 0
ដឹងអត់ថា សម្តេច ហ៊ុន សែន ធ្វើជានាយករដ្ឋមន្រ្តី តាំងពីសម័យណាមក?
ចន្លោះមិនឃើញ
នៅថ្ងៃទី១៤ ខែមករា ឆ្នាំ ២០២១នេះ គឺជាខួប ៣៦ឆ្នាំ នៃការកាន់តំណែងជានាយករដ្ឋមន្ត្រីរបស់សម្តេចតេជោ ហ៊ុន សែន ( ១៤ មករា ១៩៨៥-១៤ មករា ២០២១) ដែលពេលនោះ សម្តេចជានាយករដ្ឋមន្រ្តីវ័យក្មេងជាងគេបំផុតនៅក្នុងពិភពលោក ពោលគឺសម្តេចបានទទួលតំណែងនេះ តាំងពីអាយុ ៣២ឆ្នាំ។
សូមជម្រាបថា សម្តេច ហ៊ុន សែន បានធ្វើជានាយករដ្ឋមន្រ្តី និងរដ្ឋមន្រ្តីការបរទេស ពីឆ្នាំ១៩៨៥ ដល់ ១៩៩១ (ក្នុងសម័យសាធារណរដ្ឋប្រជាមានិតកម្ពុជា និងរដ្ឋកម្ពុជា)។ ក្រោយការបោះឆ្នោតឆ្នាំ១៩៩៣ សម្តេច ហ៊ុន សែន បានក្លាយជានាយករដ្ឋមន្រ្តីទីពីរ រហូតដល់ឆ្នាំ ១៩៩៨ ក្នុងឋានៈជាសហនាយករដ្ឋមន្រ្តី ដោយនាយករដ្ឋមន្រ្តីទី១ គឺសម្តេចក្រុមព្រះនរោត្តម រណឬទ្ធិ។ បន្ទាប់ពីការបោះឆ្នោតឆ្នាំ ១៩៩៨ និងការបោះឆ្នោតបន្តបន្ទាប់មក សម្តេច ហ៊ុន សែន ក៏បានក្លាយជានាយករដ្ឋមន្រ្តីកម្ពុជាតែមួយគត់ រហូតមកដល់បច្ចុប្បន្ននេះ៕