ប្រវត្តិគ្រួសារដ៏អស្ចារ្យរបស់បុរសសាច់ដុំ៨កង់ល្បីផ្ទុះលើអ៊ីនធឺណេត ធ្លាប់ចាប់ចិត្តលើ Baifern

2021-01-15 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជាមួយរូបសម្បត្តិស្រស់សង្ហាឥតទាស់ គួបផ្សំជាមួយគ្រួសារមានឥតឧបមា បានធ្វើឲ្យតារាម៉ូដែលល្បីឈ្មោះមីយ៉ាន់ម៉ា Paing Takhon ជាក្ដីស្រមៃរបស់នារីជាច្រើន។

កាលពីពេលថ្មីៗនេះ នៅលើបណ្ដាញសង្គម កំពុងតែល្បីផ្ទុះនូវកម្រងរូបភាពរបស់សង្ឃមួយអង្គ ដែលមានរូបសម្បត្តិស្រស់សង្ហាខ្លាំង ធ្វើឲ្យមានអ្នក share ជាច្រើន។ យ៉ាងណាក្ដី តាមការពិត បុរសខាងលើមិនមែនជាព្រះសង្ឃពិតប្រាកដឡើយ ដោយលោកគ្រាន់តែចូលរួមក្នុងវគ្គបួស ១០ថ្ងៃតែប៉ុណ្ណោះ។

ជាក់ស្ដែង ប្រុសស្អាតរូបនេះគឺជាតារាម៉ូដែលម្នាក់ កើតឆ្នាំ១៩៩៦ នៅប្រទេសមីយ៉ាន់ម៉ា មានឈ្មោះថា Paing Takhon។ ទន្ទឹមនឹងការធ្វើម៉ូដែលពេញម៉ោង លោកក៏ជាពិធីករផងដែរ។ ប្រុសស្អាតកម្ពស់ ១.៨៨ម អាយុ២៤ឆ្នាំនេះ មានសាច់ដុំ៨កង់ និងសក់វែងគួរឲ្យទាក់ទាញ។

តែអ្វីដែលធ្វើឲ្យលោករឹតតែអស្ចារ្យនោះគឺ លោកកើតក្នុងត្រកូលស្ដុកស្ដមដោយលោកគឺជាកូនប្រុសរបស់ម្ចាស់ធនាគារ United Amara UAB ដែលជាធនាគារធំទី ៤នៅប្រទេសមីយ៉ាន់ម៉ា។ យ៉ាងណាក្ដី លោកមិនបានពឹងពាក់លើគ្រួសារឡើយ ដោយខ្លួនលោកផ្ទាល់បានចេញទៅនៅម្នាក់ឯងតាំងពីអាយុ ១៨ឆ្នាំម្ល៉េះ។

និយាយពីរឿងមនោសញ្ចេតនាវិញ នៅពេលនេះ ប្រុសស្អាត២៤ឆ្នាំ កំពុងនៅទំនេរ តែចំពោះប្រភេទនារីដែលលោកស្រលាញ់នោះគឺ កំពូលតារាសម្ដែងស្រីថៃ Baifern។ លោកបានឲ្យដឹងថា សម្រស់ស្រស់ស្អាត និងសមត្ថភាពសម្ដែងដ៏លេចធ្លោនោះ បានធ្វើឲ្យលោកចាប់អារម្មណ៍លើស្រីស្អាត ២៨ឆ្នាំជាខ្លាំង៕