បណ្ឌិត ច័ន្ទ សារុន៖ មិនដែលមានទេ គេជួយល្បុក្កតោធំបែបនេះពីមុនមក
- 2021-01-16 09:01:22
- ចំនួនមតិ 0 | ចំនួនចែករំលែក 0
បណ្ឌិត ច័ន្ទ សារុន៖ មិនដែលមានទេ គេជួយល្បុក្កតោធំបែបនេះពីមុនមក
ចន្លោះមិនឃើញ
បណ្ឌិត ច័ន្ទ សារុន បានអះអាងថា កន្លងមកមិនដែលមាននរណាជួយធំ ឬផ្ដល់ថវិកាច្រើនផ្ដាច់មុខដល់សហព័ន្ធគុនល្បុក្កតោបែបនេះទេ ទើបតែមាន ស្រីអូន ម្នាក់នេះឯង។
ឯកឧត្ដម ច័ន្ទ សារុន ប្រធានសហព័ន្ធកីឡាល្បុក្កតោ បានឲ្យដឹងថា លោកពិតជាត្រេកអរ និងថ្លែងអំណរគុណណាស់ដល់ម្ចាស់ក្រុមហ៊ុនឯកជន សម្រស់ធម្មជាតិ ស្រីអូន ដែលឧបត្ថម្ភទឹកប្រាក់ ១៦,៨៥០ដុល្លារដើម្បីរៀបចំការប្រកួតជើងឯកថ្នាក់ជាតិនេះ។
ប្រធានសហព័ន្ធក៏សង្ឃឹមថា តាមរយៈជំនួយមួយនេះនឹងជំរុញឲ្យល្បុក្កតោរឹតតែរីកចម្រើន និងទទួលបានជោគជ័យបន្ថែមទៀតក្នុងការប្រកួតនានាលើឆាកអន្តរជាតិ។
រំលឹកដែរថា អ្នកស្រី ស្រីអូន ម្ចាស់ក្រុមហ៊ុនសម្រស់ធម្មជាតិ បានឧបត្ថម្ភថវិកាចំនួន ១៦,៨៥០ដុល្លារ ដល់សហព័ន្ធកីឡាល្បុក្កតោ ដើម្បីរៀបចំការប្រកួតជ្រើសរើសជើងឯកថ្នាក់ជាតិ ឆ្នាំ២០២០ ថ្ងៃទី២៣-២៤ មករា ២០២១ នេះ៕