ការធ្វើដំណើរទៅកាន់ព្រំដែនឡាវបាន​យ៉ាងងាយស្រួល​នាពេល​បច្ចុប្បន្ន​នេះ គឺមិនអាចខ្វះបានឡើយនូវស្ពានមិត្តភាពកម្ពុជា-ចិន សេកុង ក្នុងខេត្តស្ទឹងត្រែង។

ស្ពានឆ្លងកាត់ទន្លេសេកុង​នេះ ​ត្រូវបានចំណាយទឹកប្រាក់​ក្នុងការសាងសង់​ប្រមាណជាង ២០លានដុល្លារ​ក្រោមកម្ចី​ពីប្រទេសចិន។ ស្ពាននេះ មាន​ប្រវែង ១០៥៧ម៉ែត្រ និងទំហំទទឹង ១១ម៉ែត្រ ស្ថិតនៅក្នុងភូមិសាស្រ្ត​សង្កាត់​ស្រះឫស្សី ក្រុងស្ទឹងត្រែង។

ការចាប់ផ្តើមសាងសង់​ស្ពាន​សេកុង ធ្វើឡើង​នៅថ្ងៃទី១៨ ខែមេសា ឆ្នាំ២០០៤ និងដាក់ប្រើប្រាស់​ជាផ្លូវការនៅថ្ងៃទី២៩ ខែមេសា ឆ្នាំ២០០៨​ ក្រោម​អធិបតីភាព​សម្តេច ហ៊ុន សែន។

ស្ពាន​នេះ ជាសរសៃឈាម​សម្រាប់ទំនាក់ទំនង​​សេដ្ឋកិច្ចយ៉ាងសំខាន់ ក្នុងការដឹ​ក​​ជញ្ជូនក​សិផល ពីជ​ន​​បទដាច់ស្រយាល មក​​​​​​កាន់ផ្សារទីក្រុង ដែលជាទីប្រជុំជនមួយដ៏ធំ និងជាការផ្សាភ្ជាប់ផ្លូវ​ទំនាក់ទំនងសេដ្ឋកិច្ចរវាងប្រទេសកម្ពុជា និងឡាវ និងផ្លូវទំនាក់ទំនងសេដ្ឋកិច្ចក្នុងតំបន់ផងដែរ៕

ប្រភព៖ មន្ទីរព័ត៌មានខេត្តស្ទឹងត្រែង