បាក់ស្ពានអាកាសនៅថៃ បណ្តាលឱ្យពលករខ្មែររងរបួស
- 2021-01-24 07:34:25
- ចំនួនមតិ 0 | ចំនួនចែករំលែក 0
បាក់ស្ពានអាកាសនៅថៃ បណ្តាលឱ្យពលករខ្មែររងរបួស
ចន្លោះមិនឃើញ
ពលករខ្មែរ និងមីយ៉ាន់ម៉ា ចំនួន៩នាក់ និងកម្មករថៃ ១នាក់ បានរងរបួសក្នុងហេតុការណ៍បាក់ស្ពានអាកាសនៅក្នុងខេត្តនគររាជសីមា ប្រទេសថៃ កាលពីថ្ងៃទី២៣ ខែមករា ឆ្នាំ២០២១។ ពួកគេត្រូវបានបញ្ជូនទៅមន្ទីរពេទ្យ ក្នុងនោះមានអ្នកខ្លះ បាក់ជើង និងបាក់ដៃ។
ស្ពានអាកាសនេះ បានបាក់ក្នុងអំឡុងពេលសាងសង់ ដែលជាផ្នែកមួយនៃគម្រោងផ្លូវក្រវាត់ក្រុងប្រវែង ១៤,៥គីឡូម៉ែត្រ។
ប៉ូលិសបានរកឃើញថា ការបាក់ស្ពាននេះដោយសារកំហុសបច្ចេកទេស ដែលបានចាក់ស៊ីម៉ង់ច្រើនហួសកម្រិត ធ្វើឱ្យជើងទម្រស្ពានមិនអាចទ្រទម្ងន់បាន ហើយក៏បាក់តែម្តង។ យ៉ាងណាមិញ ប៉ូលិសកំពុងស៊ើបអង្កេតបន្ថែមទៀត។
ក្រុមហ៊ុនសាងសង់ មានឈ្មោះ Sang Chokechai Consortium ត្រូវបានណែនាំឱ្យរុះរើបំណែកទាំងនេះចេញ ហើយរ៉ាប់រងលើការចំណាយក្នុងការព្យាបាលពលករដែលរងរបួស៕