តារា Tik Tok ស្រូបអ្នកគាំទ្រដូចព្យុះព្រោះមុខដូច Jackson តែពេលបិទ Filter ហ្វេនៗសន្លប់ស្ដូក

2021-01-26 04:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើថាតារាបណ្ដាញសង្គមរូបនេះ អាក្រក់ក៏មិនត្រូវដែរ តែគ្រាន់តែថាពេលគ្មានជំនួយពីបច្ចេកវិទ្យា សម្រស់របស់លោកខុសគ្នាដូចមេឃនឹងដី។

ការដែលបច្ចេកវិទ្យាកាន់តែរីកចម្រើនពីមួយថ្ងៃទៅមួយថ្ងៃ ធ្វើឲ្យមនុស្សគ្រប់រូបប្រែទៅជាស្រស់ស្អាតងាយបំផុត ដោយគ្រាន់តែចូលកម្មវិធី មួយ ពីរ គឺស្អាតប្រៀបដូចមនុស្ស២ផ្សេងគ្នា។ យ៉ាងណាក្ដី ការដែលទំនើបខ្លាំងបែបនេះ ក៏ធ្វើឲ្យអ្នកពូកែបច្ចេកវិទ្យាងាយចាប់បានអ្នកដែលប្រើកម្មវិធីដើម្បីកែសម្រស់ផងដែរ។ ជាក់ស្ដែង ថ្មីៗនេះ ប្រុសស្អាតមកពីប្រទេសចិនម្នាក់ ដែលមានអ្នកគាំទ្ររាប់លាននាក់លើបណ្ដាញសង្គម Duo In (Tik Tok)។ ជាក់ស្ដែង ប្រុសស្អាត ២១ឆ្នាំ ឈ្មោះ Chen Jia Lu មានមុខមាត់ស្រដៀងកំពូលតារាចម្រៀង Wang Jackson។

នៅក្នុងជ្រុងវីដេអូជាច្រើន ប្រុស្អាតកើតឆ្នាំ ២០០០ បានធ្វើឲ្យអ្នកគាំទ្រភ្ញាក់ផ្អើលម្ដងៗ ព្រោះមិនដឹងថាជាលោក ឬសមាជិកក្រុម Got7 ឡើយ។ យ៉ាងណាក៏ដោយ នៅពេល live stream ម្ដង ពេលភ្លេចបើក Filter តារាបណ្ដាញសង្គមរូបនេះ បានបង្ហាញឲ្យគេឃើញថា រូបលោកពេលគ្មានជំនួយពីបច្ចេកវិទ្យាគឺខុសពីលើវីដេអូដាច់។

ជាក់ស្ដែង ទោះបីជានៅតែសង្ហាក្ដី តែលោកមើលទៅមិនដូច Wang Jackson សូម្បីតែបន្តិច។ ខណៈអ្នកគាំទ្រខ្លះរាងស្រងាកចិត្តនោះ អ្នកខ្លះក៏បង្ហាញថានេះគឺជារឿងធម្មតាសម្រាប់តារាបណ្ដាញសង្គមទៅហើយ៕

ប្រភព៖ Kenh14 ប្រែសម្រួល៖ Caramel