ខ្លាំងបាត់! ស៊ី ជិនពីង ថ្លែងព្រមានទៅ បៃឌិន ទុកមុនឱ្យហើយ

2021-01-26 07:41:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីចិន លោក ស៊ី ជិនពីង បានផ្ញើសារព្រមានលោក ចូ បៃឌិន អំពីសង្គ្រាមត្រជាក់ថ្មី ប្រសិនបើលោកនៅតែបន្តគោលនយោបាយការពារនិយមរបស់លោក ដូណាល់ ត្រាំ។

ថ្លែងក្នុងវេទិកាសេដ្ឋកិច្ចពិភពលោកតាមប្រព័ន្ធវីដេអូ កាលពីថ្ងៃទី២៥ ខែមករា ឆ្នាំ២០២១ លោក ស៊ី ជិនពីង បានអំពាវនាវឱ្យប្រើប្រព័ន្ធពហុនិយម ដើម្បីដោះស្រាយវិបត្តិសេដ្ឋកិច្ច ដែលបង្កឡើងដោយជំងឺរាតត្បាតកូវីដ១៩ ហើយថាជំងឺនេះមិនគួរត្រូវបានប្រើប្រាស់ជាលេសក្នុងការធ្វើឱ្យសាកលភាវូបនីយកម្មដើរថយក្រោយនោះទេ។

លោកបាននិយាយក្នុងន័យសំដៅទៅអាមេរិកយ៉ាងដូច្នេះថា៖ «ការចាប់ផ្តើមនូវសង្គ្រាមត្រជាក់ថ្មីមួយ, ការជំទាស់, ការគំរាម ឬសម្លុតអ្នកដទៃ និងការដាក់ទណ្ឌកម្ម បានត្រឹមតែរុញឱ្យពិភពលោកបែងចែកគ្នា និងប្រឈមមុខដាក់គ្នាតែប៉ុណ្ណោះ។ យើងគួរតែកសាង និងបើកសេដ្ឋកិច្ចពិភពលោក រក្សាគោលការណ៍ពាណិជ្ជកម្មពហុនិយម ទម្លុះរបាំងពាណិជ្ជកម្ម និងការផ្លាស់ប្តូរវិនិយោគ និងបច្ចេកវិទ្យា»៕

ប្រភព៖ theguardian