ប្រធានរដ្ឋ និង​ជា​អគ្គលេខាធិការបក្ស​កុម្មុយនិស្ត​វៀតណាម លោក ង្វៀង ភូត្រុង បាន​ប្រកាស​ថា ក្នុងអំឡុងពាក់កណ្តាលស.វទី២១ វៀតណាម​នឹងងើបចេញពីឈ្មោះ​ប្រទេសកំពុងអភិវឌ្ឍ ហើយក្លាយ​ជាប្រទេស​អភិវឌ្ឍន៍។ ការ​ថ្លែងនេះ ធ្វើឡើង​ក្នុង​សមាជបក្ស កាលពីថ្ងៃទី២៦ ខែមករា ឆ្នាំ​២០២១។

គោលដៅ​អភិវឌ្ឍប្រទេសរបស់​វៀតណាម រួមមាន​ដូចខាងក្រោម៖

• ត្រឹម​ឆ្នាំ​២០២៥ វៀតណាម នឹងក្លាយ​ជាប្រទេសកំពុង​អភិវឌ្ឍន៍​ដែលមានឧស្សាហកម្ម​ទំនើប ឆ្លងផុតពី​ប្រទេស​ដែលមាន​ចំណូល​មធ្យម​កម្រិតទាប។

• ត្រឹមឆ្នាំ២០៣០ វៀតណាម​នឹង​ក្លាយ​ជាប្រទេស​កំពុងអភិវឌ្ឍន៍​ ដែល​មាន​ឧស្សាហកម្ម​ទំនើប និង​ជាប្រទេស​ដែលមាន​ចំណូលមធ្យម​កម្រិត​ខ្ពស់។

• ត្រឹមឆ្នាំ​២០៤៥ វៀតណាម នឹង​ក្លាយជាប្រទេសអភិវឌ្ឍន៍​ដែលមាន​ចំណូលកម្រិតខ្ពស់។

ទន្ទឹមនឹងនេះ វៀតណាម​នឹង​កែប្រែ​កំណើនសេដ្ឋកិច្ចរបស់ខ្លួន​ជាមួយនឹង​ការផ្តោត​កាន់តែខ្លាំង​ទៅលើ​ឧស្សាហូបនីយកម្ម និង​ទំនើបកម្ម ការអភិវឌ្ឍវិទ្យាសាស្រ្ត និងបច្ចេកវិទ្យា នុវានុវត្តន៍ និង​ការអភិវឌ្ឍ​ធនធាន​មនុស្ស​ដែលមាន​គុណភាព​ខ្ពស់៕