ប្ដីប្រពន្ធមហាសេដ្ឋីកាណាដា បន្លំធ្វើកម្មករដើម្បីបានចាក់វ៉ាក់សាំង កូវីដ១៩

2021-01-28 02:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Rodney Baker និងប្រពន្ធ ដែលជានាយកប្រតិបត្តិរបស់ក្រុមហ៊ុនមួយនៅប្រទេសកាណាដា ត្រូវបានគេចោទថាជួលយន្តហោះឯកជនជិះទៅតំបន់ដាច់ស្រយាល បន្លំធ្វើជាកម្មករដើម្បីទទួលបានអាទិភាពចាក់វ៉ាក់សាំងកូវីដ ១៩។

កាលពីថ្ងៃទី ២៧ ខែមករាកន្លងទៅនេះ បណ្ដាញព័ត៌មាន The Guardian បានរាយការណ៍ថា CEO របស់ក្រុមហ៊ុនធំមួយនៅទីក្រុង Vancouver ប្រទេសកាណាដា ត្រូវបានជាប់ទោសដោយសារបន្លំខ្លួនធ្វើជាកម្មករដើម្បីទទួលបានអាទិភាពចាក់វ៉ាក់សាំងកូវីដ ១៩ មុនគេ។

តាមនោះដែរ នៅថ្ងៃទី ១៩ ខែមករា លោក Rodney Baker អាយុ ៥៥ឆ្នាំ ព្រមទាំងប្រពន្ធដែលជាតារាសម្ដែងស្រី Ekaterina អាយុ ៣២ឆ្នាំបានជួលយន្តហោះឯកជនដើម្បីហោះទៅតំបន់ Yukon ជាប់ព្រំដែនជាមួយរដ្ឋ Alaska ប្រទេសអាមេរិក។

តាមច្បាប់នៅក្នុងតំបន់ អ្នកដែលមកពីតំបន់ផ្សេង ត្រូវធ្វើចត្តាឡីស័ក១៤ថ្ងៃ តែក្រោយមកដល់តែ២ថ្ងៃ ប្ដីប្រពន្ធនេះបានហោះបន្តទៅតំបន់ Beaver Creek ដែលជាតំបន់ដាច់ស្រយាលមានមនុស្សរស់នៅតែ១០០នាក់។ តំបន់នេះ ស្ថិតក្នុងតំបន់អាទិភាពបានចាក់វ៉ាក់សាំង កូវីដ១៩មុនគេ ដោយសារតែផ្លូវលំបាក។ នៅពេលមកទទួលវ៉ាក់សាំង ប្ដីប្រពន្ធអ្នកមាននេះ បានកុហកថា ខ្លួនគឺជាកម្មកររបស់ផ្ទះសំណាក់នៅជិតនោះ ហើយក្រោយពេលចាក់រួច ពួកគេក៏ត្រលប់ទៅក្រុងវិញភ្លាម។

យ៉ាងណាក្ដី រឿងនេះត្រូវបានបែកការណ៍ក្រោយពេលមន្ត្រីក្រសួងសុខាភិបាល ទៅពិនិត្យជាមួយផ្ទះសំណាក់ខាងលើ ហើយរាយការណ៍ទៅកាន់នគរបាលក្នុងតំបន់។ នៅពេលមន្ត្រីទៅដល់ព្រលានយន្តហោះ អ្នកទាំង២កំពុងតែរៀបហោះចេញទៅ Vancouver វិញ។ អ្នកទាំង២ត្រូវជាប់ពីបទគេចចត្តាឡីស័ក។ បើតាមច្បាប់នេះ អ្នកដែលល្មើសត្រូវពិន័យ ១១៥០ដុល្លារ និងជាប់គុក៦ខែ។ ក្រោយពេលត្រូវបានគេលាតត្រដាង CEO ខាងលើបានលាលែងពីតំណែងពីក្រុមហ៊ុន Great Canadian Gaming ដែលមានកាស៊ីណូជាង២០នៅកាណាដា៕

ប្រភព៖ nytimes | news.zing.vn ប្រែសម្រួល៖ Caramel