សហព័ន្ធប៊ូល៖ ការប្រកួតជើងឯកថ្នាក់ជាតិជាការត្រៀមខ្លួនបណ្ដើរៗស៊ីហ្គេម ២០២៣

2021-01-30 04:11:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហព័ន្ធកីឡាប៊ូល និងប៉េតង់កម្ពុជា បើកប្រកួតជ្រើសរើសជើងឯកថ្នាក់ជាតិរបស់ខ្លួនរយៈពេល៣ថ្ងៃជាការត្រៀមខ្លួន និងពង្រឹងសមត្ថភាពកីឡាករ កីឡាការិនីត្រៀមខ្លួនស៊ីហ្គេម។

ទិដ្ឋភាពម្សិលមិញ

ឯកឧត្ដម សុខ សប្បាយណា អគ្គលេខាធិការបានឲ្យដឹងថា សហព័ន្ធរៀបចំការប្រកួតជើងឯកថ្នាក់ជាតិ ឆ្នាំ២០២០ រយៈពេល៣ថ្ងៃគឺចាប់ពីថ្ងៃទី២៩ ដល់ ៣១ មករា ក្នុងពហុកីឡដ្ឋានជាតិ។ ការប្រកួតនេះគឺមាន ៦វិញ្ញាសា សម្រាប់កីឡាករ កីឡាការិនី និងយុវជនប្រកួតប្រជែងគ្នា។

ការប្រកួតនេះគឺជាការពង្រឹងសមត្ថភាពកីឡាករ កីឡាការិនី ជាពិសេសយុវជនថ្នាលដើម្បីជាការត្រៀមខ្លួន ស្វែងរកបទពិសោធថ្មីៗ កែប្រែចំណុចខ្វះខាតផ្សេងៗ។ ឯកឧត្ដមជឿជាក់ថានៅពេលខាងមុខកីឡាប៊ូល និងប៉េតង់កម្ពុជានឹងក្លាយជាមហាអំណាចលើប្រភេទកីឡាមួយនេះលើពិភពលោក។

ទិដ្ឋភាពម្សិលមិញ

រំលឹកដែរថា សហព័ន្ធប៊ូល និងប៉េតង់កម្ពុជាកំពុងធ្វើការប្រកួតជើងឯកថ្នាក់ជាតិរបស់ខ្លួននៅក្នុងទីលាន នៃពហុកីឡដ្ឋានជាតិ។ ដែលការប្រកួតនេះឈានដល់ថ្ងៃទី២ ហើយគ្រោងនឹងបិទបញ្ចប់នៅថ្ងៃស្អែក ទី៣១ មករា ឆ្នាំ២០២១៕

អត្ថបទ៖ នួន ស៊ីណា