បែកធ្លាយ! អតីតប្រធានក្លឹប Barca បន្តកុងត្រាឲ្យ Messi បើស៊ុតចូល១គ្រាប់តម្លៃ ៤លានអឺរ៉ូ

2021-02-01 03:18:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្មីៗនេះអត្ថបទព័ត៌មានមួយល្បីល្បាញនិងទទួលបានការចាប់អារម្មណ៍ជាខ្លាំង ដែលចុះផ្សាយដោយកាសែតអេស្ប៉ាញ El Mundo អំពីកិច្ចសន្យាខ្សែបម្រើប្រយុទ្ធ Lionel Messi កាលដែលគេចុះកិច្ចសន្យាបន្តជាមួយអតីតប្រធានក្លឹបកាលពីថ្ងៃទី ២៥ ខែវិច្ឆិកាឆ្នាំ ២០១៧ មានតម្លៃដល់ទៅ ៥៥៥ លានផោន ជាតម្លៃកំណត់ត្រាអត្តពលិកមានប្រាក់ឈ្នួលច្រើនជាងគេបំផុត។

អ្វីគួរឲ្យចាប់អារម្មណ៍បំផុតនោះគឺ លក្ខខណ្ឌ។ ចំណុចតូចមួយបានរៀបរាប់ថា ប្រសិនបើ Messi អាចស៊ុតចូលបញ្ចូលទីបាន ១ គ្រាប់នោះរូបគេរកបាន ៤លានអឺរ៉ូ។

កុងត្រាថ្មីចុងក្រោយរបស់ Messi បានបែកធ្លាយ

បន្ទាប់ពីព័ត៌មានរសើបមួយនេះចុះផ្សាយជាសាធារណៈ ភ្លាមៗនោះមេធាវីផ្ទាល់ខ្លួនរបស់ Messi បានប្រតិកម្មភ្លាមដែរ ចំណែកឯសាមីខ្លួនមិនសប្បាយចិត្ត ឯភាគីក្លឹបក៏បានត្រៀមរួចជាស្រេចដើម្បីចាត់វិធានការតាមផ្លូវច្បាប់ចំពោះកាសែតអេស្ប៉ាញខាងលើនេះ។

យោងទៅតាមកាសែតខាងលើ របាយការណ៍កិច្ចព្រមព្រៀងរយៈពេល ៤ ឆ្នាំដែលកីឡាករអាហ្សង់ទីនរូបនេះបានចុះហត្ថលេខាគឺរួមបញ្ចូលទាំងប្រាក់ចំណូលថេរនិងការទូទាត់ប្រាក់រង្វាន់ដែលមានចំនួន ១៣៨ លានផោនក្នុងប្រាក់ចំណូលប្រចាំឆ្នាំ បូករួមទាំងប្រាក់បន្ថែម ៧៧ លានអឺរ៉ូទៀត លើភាពស្មោះត្រង់នឹងក្លឹប (Loyalty) ។

កាសែតអេស្ប៉ាញដដែល បញ្ជាក់ច្បាស់ៗថាខ្សែបម្រើប្រយុទ្ធវ័យ ៣៣ ឆ្នាំរូបនេះគឺជា អត្តពលិកដំបូងគេដែលរកប្រាក់បានច្រើនជាងគេក្នុងប្រវត្តិសាស្ត្រកីឡាករអាជីព។

អតីតប្រធានក្លឹបលោក Bartomeu និង Messi កាលឆ្នាំ ២០១៧

Messi ហាក់បង្ហាញចេតនា ចង់បញ្ចប់អាជីពរយៈពេល ១៧ ឆ្នាំរបស់គេនៅឯ Camp Nou នៅរដូវក្តៅខាងមុខនេះ។ Barcelona ត្រូវបានគេរាយការណ៍ថាមិនអាចបន្តប្រាក់ឈ្នួលឲ្យបានទៀតនោះទេចំពេលបំណុលក្លឹបកើនឡើងលើសពី ១,២ ពាន់លានផោន។

ជម្រាបជូនផងដែរថា កាសែតអេស្ប៉ាញ El Mundo បានយកឯកសារនោះមកចុះផ្សាយដោយគ្មានការអនុញ្ញាត បន្ទាប់ពីល័ក្ខខ័ណ្ឌនៃកិច្ចព្រមព្រៀងបច្ចុប្បន្នរបស់ Messi នៅឯ Camp Nou នឹងផុតសុពលភាពនៅចុងខែមិថុនា៕

ប្រភព៖ Goal | LiveScience ប្រែសម្រួល៖ រក្សា