លោក នេត្រ ភក្រ្តា រដ្ឋលេខាធិការ និង​ជាអ្នកនាំពាក្យ​ក្រសួងបរិស្ថាន បាន​បង្ហាញ​ការភ្ញាក់ផ្អើល​ ដោយថតជាប់​សត្វទោចម្កុដ លោតពីក្រោយខ្នងលោក ក្នុងអំឡុង​ពេល​លោកនិយាយពីសត្វព្រៃ។

លោកបាន​សរសេរនៅលើទំព័រហ្វេសប៊ុកកាលពីថ្ងៃទី២ ខែកុម្ភៈ ឆ្នាំ២០២១ យ៉ាងដូច្នេះថា៖ «សំណាងណាស់! កំពុងផ្តល់បទសម្ភាសដល់អ្នកសារព័ត៌មាន និយាយពីសត្វព្រៃ ស្រាប់តែសត្វទោចម្កុដ ប្រភេទសត្វកម្រ លោតមកក្រោយខ្នងតែម្តង។ ទោចម្កុដនេះជាសត្វទោចញី រស់នៅក្នុងដែនជម្រកសត្វព្រៃភ្នំត្នោត ភ្នំពក ខេត្តព្រះវិហារ»៕