ប្រុសៗគួរដឹង! នេះជាក្បាច់រួមភេទដែលមានគ្រោះថ្នាក់បំផុតចំពោះអាអូនតូច

2021-02-05 05:43:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការរួមភេទដោយឲ្យខាងស្រីនៅពីលើគឺជាក្បាច់ ដែលមានគ្រោះថ្នាក់បំផុតមួយសម្រាប់បុរសៗ។ នេះបើយោងតាមការស្រាវជ្រាវរបស់ក្រុមអ្នកវិទ្យាសាស្ត្រប្រេស៊ីល ដែលបានសិក្សាលើការរបួសលិង្គចំនួន ៤៤ករណី ក្នុងមន្ទីរពេទ្យចំនួន ៣កន្លែងផ្សេងៗគ្នា។

បញ្ហាធំដែលអាចបង្កឡើងនៅពេលរួមភេទដោយប្រើក្បាច់ឲ្យមនុស្សស្រីនៅពីលើគឺជា "ការបាក់លិង្គ"។ អ្នកវិទ្យាសាស្ត្របានពន្យល់ថា ជាមួយក្បាច់រួមភេទបែបនេះ ទម្ងន់ខ្លួនរបស់មនុស្សស្រីទាំងស្រុងត្រូវបានដាក់បន្ទុកនៅលើលិង្គបុរស។ ផលប៉ះពាល់អាចកើតមានលើស្ត្រីតែបន្តិចបន្តួចប៉ុណ្ណោះ ដោយឡែកសម្រាប់បុរសវិញ បើមានករណីខុសឆ្គងណាមួយកើតឡើង វានឹងក្លាយជាបញ្ហាធំ។

ពាក់កណ្ដាលនៃក្រុមបុរសដែលមានបញ្ហាបាក់លិង្គ បានសារភាពថា ពួកគេបានឮសម្លេងបាក់ស្រស់ៗតែម្ដង ហើយកើតមានអារម្មណ៍ឈឺចាប់ជាខ្លាំង។ ភាគច្រើនអ្នកដែលបាក់លិង្គបានទៅមន្ទីរពេទ្យដើម្បីព្យាបាល ប៉ុន្តែការទៅនេះមិនមែនធ្វើឡើងភ្លាមៗនោះទេ ដោយពន្យារពេលទុកដល់ ៥ ឬក៏៦ម៉ោងឯណោះក៏មាន។ នេះអាចបណ្ដាលមកពីភាពខ្មាសអៀន ដែលរាំងស្ទះពួកគេមិនទាន់ទៅរកជំនួយផ្នែកវេជ្ជសាស្ត្រភ្លាមៗ។

ជាមួយគ្នានេះដែរ ក្រុមអ្នកវិទ្យាសាស្ត្រប្រេស៊ីល បានចង្អុលបង្ហាញថា ក្បាច់រួមភេទដែលមានសុវត្ថិភាពជាងគេគឺតម្រូវឲ្យមនុស្សប្រុសនៅពីលើ ព្រោះខាងបុរសអាចគ្រប់គ្រងចលនារួមភេទ ដោយអាចបញ្ឈប់ភាពឈឺចាប់បានភ្លាមៗដើម្បីជៀសវាងនូវបញ្ហាបាក់លិង្គ៕

ប្រភព៖ telegraph ប្រែសម្រួល៖ ឈាង.