ដឹងច្បាស់ហើយ! Honda ផ្លាស់ទៅលេងឲ្យក្លឹបមួយនៅព័រទុយហ្គាល់

2021-02-05 05:16:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើប្រយុទ្ធវ័យ ៣៤ ឆ្នាំ Keisuke Honda បានសម្រេចផ្លាស់ទៅចូលរួមក្លឹប Portimonense ស្ថិតនៅលីគកំពូលព័រទុយហ្គាល់ រហូតដល់បញ្ចប់រដូវកាល បន្ទាប់ពីចែកផ្លូវគ្នាជាមួយនឹងក្លឹបប្រេស៊ីល Botafogo ។

បច្ចុប្បន្នក្លឹបចុងក្រោយបង្អស់និងជាប្រទេសទី ៧ ដែលអតីតអ្នកចាត់ការក្រុមជម្រើសជាតិកម្ពុជានឹងចូលរួមមួយនេះស្ថិតនៅចំណាត់ថ្នាក់ទី ១៣ មាន១៥ ពិន្ទុក្រោយឆ្លងកាត់ការប្រកួតអស់ ១៧ សប្ដាហ៍។

Honda ពេលលេងឲ្យក្លឹបប្រេស៊ីល Botafogo

Honda បាននិយាយប្រាប់សារព័ត៌មានជប៉ុន Kyodo ថា៖ "ខ្ញុំចង់ត្រឡប់មកលេងនៅអឺរ៉ុបវិញ បន្ទាប់ពីទទួលសំណើរនេះវាជាឱកាសល្អក្នុងការផ្លាស់ចេញស្វែងរកបទពិសោធន៍ថ្មី។”

រំឭកដែរថា ខ្សែបម្រើប្រយុទ្ធជប៉ុនរូបនេះ ធ្លាប់លេងឲ្យក្លឹបអ៊ីតាលី AC Milan, ក្លឹបរុស្ស៊ី CSKA Moscow, ក្លឹបហូឡង់ Vitesse Arnhem និង VVV-Venlo, ក្លឹបម៉ិចស៊ីកូ Pachuca ក្លឹបអូស្រ្ដាលី Melbourne Victory និងក្លឹបប្រេស៊ីល Botafogo ៕