វិបសាយ​បរទេសល្បីមួយចុះផ្សាយថា "គ្មាននរណាធ្វើបានរឿងបែបនេះដូច Honda ទេ"!

  • 2021-02-06 08:33:40
  • ចំនួនមតិ 0 | ចំនួនចែករំលែក 0

ចន្លោះមិនឃើញ


វិបសាយ Bleacherreport រួមជាមួយទំព័រផ្លូវការ Twitter និង Facebook បានចុះផ្សាយដំណឹងពីវិរៈបុរសជប៉ុនកីឡាករ​ Keisuke Honda ដោយរចនារូបភាពយ៉ាងស្អាតនិងទាក់ទាញជាមួយនឹងអក្សរខ្លីថា "លើលោកគ្មានកីឡាកររូបណា អាចរៀបចំកាលវិភាគច្បាស់លាស់ដូច Honda នោះទេ ពោលគឺទទួលការងារ ២ ក្នុងពេលតែ ១។"

ដូចអ្នកទាំងអស់គ្នាបានដឹងរួច​មក​ហើយថា ​កាលពី​ឆ្នាំ ២០១៩ Keisuke Honda បានទៅប្រកបអាជីព​ជាមួយ​ក្រុម MijnVitesse ក្នុង​លីគ​កំពូល​ហូឡង់​ប្រជែង ជាមួយក្រុមខ្លាំង Ajax ទាំង​ដែល​ការងារស្នូលមួយទៀតរបស់អតីតកីឡាករ AC Milan រូបនេះគឺជា អ្នកចាត់ការទូទៅក្រុមជម្រើសជាតិកម្ពុជា ដោយមិនទទួលយកប្រាក់ឈ្នួលមួយរៀលនោះទេ ពេលប្រកាសផ្លូវការដោយសហព័ន្ធ​បាល់ទាត់កម្ពុជា។

Honda អំឡុង​ពេលធ្វើ​ជា​អ្នកចាត់ការទូទៅក្រុមជម្រើសជាតិកម្ពុជា /រូបថត៖ TheJPtime
រំឮក​ផង​ដែរ​ថា បច្ចុប្បន្ន​នេះ​​ខ្សែ​បម្រើ​ប្រយុទ្ធ​វ័យ ៣៤ ឆ្នាំ ​Keisuke Honda ​បាន​សម្រេច​ផ្លាស់​ទៅ​ចូលរួម​ក្លឹប​ Portimonense ​ស្ថិត​នៅ​លីគ​កំពូល​ព័រទុយហ្គាល់​​ ​រហូត​ដល់​បញ្ចប់​រដូវកាល​ បន្ទាប់ពីចែកផ្លូវគ្នាជាមួយ​នឹង​​ក្លឹប​ប្រេស៊ីល Botafogo។ នេះបើយោងតាម​ការចុះផ្សាយពីសារព័ត៌មានជប៉ុនកាលពីថ្ងៃព្រហស្បត្តិ៍សប្ដាហ៍មុន។

​Honda បាន​និយាយ​ប្រាប់​សារព័ត៌មាន​ជប៉ុន Kyodo ថា៖ "ខ្ញុំ​ចង់​ត្រឡប់​មក​លេង​នៅ​អឺរ៉ុប​វិញ​ បន្ទាប់​ពី​​ទទួល​សំណើរ​នេះ​វា​ជា​ឱកាស​ល្អ​ក្នុង​ការ​ផ្លាស់​ចេញ​ស្វែងរក​បទពិសោធន៍​ថ្មី។​”​

​ខ្សែ​បម្រើ​ប្រយុទ្ធ​ជប៉ុន​រូប​នេះ ធ្លាប់​លេង​ឲ្យក្លឹបអ៊ីតាលី AC Milan, ក្លឹបរុស្ស៊ី CSKA Moscow, ក្លឹប​ហូឡង់ Vitesse Arnhem និង VVV-Venlo, ក្លឹប​ម៉ិចស៊ីកូ Pachuca ក្លឹប​អូស្រ្ដាលី​ Melbourne Victory និងក្លឹប​ប្រេស៊ីល Botafogo។

ក្លឹប​ Portimonense ដែលជា​​ក្លឹប​ចុងក្រោយ​បង្អស់​និង​ជា​ប្រទេស​ទី ៨ ដែល​អតីត​អ្នក​ចាត់ការ​ក្រុម​ជម្រើស​ជាតិ​កម្ពុជា​នឹង​ចូលរួម​មួយ​នេះ​ស្ថិត​នៅ​ចំណាត់ថ្នាក់​ទី ១៣ ​មាន​១៥ ពិន្ទុ​ក្រោយ​ឆ្លងកាត់​ការ​ប្រកួត​អស់ ១៧ សប្ដាហ៍​៕

ការចុះផ្សាយពីក្រុមការងារ B/R football

អត្ថបទ៖ រក្សា

អត្ថបទថ្មី
;