ប្រទេស​ឡាវ ​ទទួល​បានវ៉ាក់សាំងកូវីដ១៩របស់ក្រុមហ៊ុនចិន Sinopharm ចំនួន ៣០ម៉ឺនដូស​ក្នុងការដឹកជញ្ជូនថ្មី នាព្រឹកព្រលឹម​ថ្ងៃទី៨ ខែកុម្ភៈ ឆ្នាំ​២០២១។

ពិធីប្រគល់ទទួលនេះ ធ្វើឡើង​ដោយមានការចូលរួមពីលោក Bounkong Syhavong រដ្ឋមន្រ្តី​ក្រសួងសុខាភិបាលឡាវ និងលោក Jiang Zaidong ឯកអគ្គរដ្ឋទូត​ចិន​ប្រចាំប្រទេសឡាវ។

លោករដ្ឋមន្រ្តី​បញ្ជាក់​ថា វ៉ាក់សាំងទាំងនេះ នឹង​ត្រូវ​ចាក់ទៅលើ​បុគ្គលិកពេទ្យ និង​កម្មករ​ជួរមុខ​ដែលមានហានិភ័យ ក្នុងប្រទេសឡាវ។

សូម​ជម្រាប​ថា កាលពីម្សិលមិញនេះ កម្ពុជាក៏ទើបតែទទួលបាន​វ៉ាក់សាំង Sinopharm ជាលើកដំបូងចំនួន ៦០ម៉ឺនដូស នៃ​ចំនួសរុប ១លានដូសដែលជាជំនួយ​ពីប្រទេសចិន​ផងដែរ៕