ក្រុមភ្នំពេញកាឡាក់សុី ប្រទះឃើញមានឈ្មោះផ្លូវការប្រកួតពានរង្វាន់សម្តេច ហ៊ុន សែន

2021-02-10 09:05:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ ភ្នំពេញកាឡាក់សុី ត្រូវបានប្រទះឃើញមានឈ្មោះផ្លូវការ ចូលរួមប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៥ ឆ្នាំ២០២១ (ថ្នាក់ខេត្ត) បន្ទាប់ពីក្លឹបបានដាក់ពាក្យចូលរួមរួចរាល់កាលពីដើមខែធ្នូឆ្នាំ ២០២០ កន្លងទៅ និងឆ្លងកាត់គ្រប់លក្ខខ័ណ្ឌពីសំណាក់គណៈកម្មការបច្ចេកទេសដូចជា ការត្រួតពិនិត្យហេដ្ឋារចនាសម្ព័ន្ធទីលានប្រកួត ក្នុងការត្រៀមលក្ខណៈធ្វើជាម្ចាស់ផ្ទះរៀបចំការប្រកួត។

ដូចនេះ មានន័យថា ក្លឹបបាល់ទាត់ភ្នំពេញកាឡាក់សុី បានបំពេញលក្ខខណ្ឌគ្រប់គ្រាន់អាចមានសិទ្ធចូលរួមបាន។ សម្រាប់ប្រកួតបើកឆាកដំបូង ត្រូវប៉ះនឹងមន្ទីរ អយក ខេត្តកំពង់ស្ពឺ នៅទីលានវិទ្យាល័យច្បារអំពៅ ម៉ោង ៣ រសៀល។

រូបថត៖ CNCC

ទល់ពេលនេះមិនទាន់មានព័ត៌មានច្រើនអំពីក្លឹបថ្មីថ្មោងនេះទេ តែមានពាក្យចចាមអារ៉ាមថា ក្លិបមួយនេះមានការចូលរួមជ្រោមជ្រែងពី ស្ថាបនិកផលិតកម្ម កាឡាក់សុីណាវ៉ាត់ត្រា។

ជម្រាបជូនផងដែរថា ក្រុមថ្មីនេះស្ថិតក្នុងចំណោមក្រុមទាំង ២១ រាជធានី-ខេត្តដែលបានដាក់ពាក្យចូលរួមមាន៖ ខេត្តបាត់ដំបង, ខេត្តកំពង់ឆ្នាំង, ខេត្តសៀមរាប ខេត្តរតនគិរី ខេត្តកំពង់ស្ពឺ ខេត្តកណ្ដាល ខេត្តត្បូងឃ្មុំ ខេត្តកំពត ខេត្តព្រះសីហនុ ខេត្តកែប ខេត្តកោះកុង ខេត្តតាកែវ ខេត្តស្វាយរៀង ខេត្តព្រៃវែង ខេត្តមណ្ឌលគិរី ខេត្តឧត្តរមានជ័យ ខេត្តពោធិ៍សាត់ និង ខេត្តបៃលិន។

កាលបរិច្ឆេទនៃការប្រកួតពានឆ្នាំ ២០២១៖

-នេះថ្ងៃខែ ប្រកួតពានលីគកំពូលកម្ពុជា និងពានសម្តេចហ៊ុនសែនឆ្នាំ ២០២១

អត្ថបទ៖ រក្សា