Elon Musk ​ប្រាប់​អ្នក​គាំទ្រ​ថា​ល្បឿន​អ៊ីនធើណិត Starlink នឹង​តំឡើង​ពី 150 ដល់ 300Mbps

  • 2021-02-25 04:10:01
  • ចំនួនមតិ 0 | ចំនួនចែករំលែក 0

ចន្លោះមិនឃើញ


​នាយកប្រតិបត្តិ​ក្រុមហ៊ុន SpaceX ​លោក Elon Musk ​បាន​បង្ហោះ​សារ​លើ​បណ្ដាញ​សង្គម Twitter ​ប្រាប់​ទៅ​អ្នក​គាំទ្រ​លោក​ថា គម្រោង​បង្កើន​ល្បឿន​អ៊ីនធើណិត Starlink ​នឹង​តំឡើង​ឲ្យ​បាន​ចាប់​ពី 150 ដល់ 300Mbps​​ នៅ​ឆ្នាំ​នេះ។

ទោះ​ជា​រកស៊ី​ក្រោយ​គេ​ Elon Musk ​ប្រកាស​ថា​អាជីវកម្ម​ផ្គត់ផ្គង់​សេវាអ៊ិនធើណិត​ Starlink ​ទទួល​បាន​អ្នក​ចុះ​ឈ្មោះ​ប្រើប្រាស់​ដល់ ១ ម៉ឺន​នាក់​ទាំង​នៅ​អាមេរិក និង​ប្រទេស​កាណាដា ត្រឹម​តែ​ជាង ៦ ខែ។

-ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

Elon Musk ​ធ្លាប់​បាន​ប្រាប់​ពី​គោលបំណង​ គឺ​ដើម្បី​ផ្គត់ផ្គង់​សេវា​ដល់​តំបន់​ដាច់ស្រយាល​និង​ព្រំ​ប្រទល់​អាមេរិក ​ឲ្យ​ទទួល​បាន​សេវា​អ៊ិនធើណិត​ល្បឿន​លឿន​ក្នុង​ការ​ស្រាវជ្រាវ​និង​ប្រើប្រាស់នានា។

រំឭក​ដែរ​ថា អាជីវកម្ម​ផ្កាយរណប Starlink ​របស់​ក្រុមហ៊ុន SpaceX ​ទើប​នឹង​ទទួល​បាន​អាជ្ញាប័ណ្ណ​ផ្លូវការ​ កាល​ពីខែ​តុលា​ឆ្នាំ ២០២០ ​ដោយ​បាញ់​បង្ហោះ​ផ្កាយរណប​ចំនួន 11,943 គ្រឿង​។ បន្ទាប់​ពី​ជោគជ័យ​លើ​ការ​បាញ់​បង្ហោះ​នេះ​ Starlink ផ្តល់​ជូន​ជា​កញ្ចប់ Beta(តេស្ត​) ​តម្លៃ ៩៩ ដុល្លារ​ក្នុង​មួយ​ខែ​ជាមួយ​នឹង​ល្បឿន 100/20Mbps ។

បើ​អ្នក​រើស​យក​កញ្ចប់​ ​Starlink Kit ​តម្លៃ ៤៩៩ ដុល្លារ​នឹង​ទទួល​បាន User terminal និង Wi-Fi routerដើម្បី​ភ្ជាប់​ផ្ទាល់​ទៅ​កាន់​ផ្កាយរណប។ សម្រាប់​ល្បឿន​ដោនឡូត​ដល់​ទៅ 50–150 Mbps ប្រភេទ​ Unlimited data ។

Starlink ​ក៏​បាន​ក្លាយ​ជា​ផ្កាយរណប​ចុងក្រោយ​បង្អស់​ដែល​បង្ហោះ​ចូល​គន្លង​តារាវិថី ​កម្រិត​ទាប​បំផុត​ចន្លោះ (៥៥០-៥៧០ គីឡូម៉ែត្រ​ពី​ផែនដី)​ ​ដែល​រយៈកម្ពស់​នេះ​កំពុង​មាន​ជម្លោះ​ជាមួយ​លោក​ Jeff Bezos ​នាយក​ប្រតិបត្តិ​ក្រុមហ៊ុន Amazon ​ចុះ​បញ្ជី​ជាមួយ FCC ​​លើ​អាជីវកម្ម​បាញ់​បង្ហោះ​ផ្ដាយរណប​នេះ​ដែរ៕

ប្រភព៖ Flashfly ប្រែ​សម្រួល៖ រក្សា

;