លោក ស៊ី ជិនពីង ប្រធានាធិបតីចិន បានលើកឡើងពីក្តីបារម្ភ​អំពី​ការខ្វះខាត​អ្នកជំនាញ​ការច្បាប់ ដើម្បី​ការពារ​ផល​ប្រយោជន៍​របស់ចិន ដោយលោកហៅថាវា «គ្រោះថ្នាក់សន្តិសុខ» សម្រាប់​ប្រទេស​ជាតិ។

លោក ស៊ី ជិនពីង ថ្លែងកាលពីថ្ងៃទី១ ខែមីនា ឆ្នាំ​២០២១ យ៉ាងដូច្នេះថា៖ «ទំហំ​ការងារភាគច្រើនដែល​ពាក់ព័ន្ធ​នឹងបរទេសរបស់​ក្រុមហ៊ុនចិន គឺ​ស្ថិតនៅក្នុងកណ្តាប់ដៃរបស់​ក្រុមហ៊ុនច្បាប់​អឺរ៉ុប និងអាមេរិក ហើយ​វាពិតជាមានហានិភ័យ​សន្តិសុខ​យ៉ាងធំ​ក្នុងរឿងនេះ។ ផ្នែក​ពាក់ព័ន្ធ ត្រូវតែ​ដោះស្រាយបញ្ហានេះ​ឱ្យ​បាន»។

បើតាមលោក ស៊ី ជិនពីង ឱ្យដឹងថា មេធាវីចិនមាន​មិនដល់ ៦០០នាក់ឡើយ ដែលអាចដោះស្រាយ​ដោយឯករាជ្យ​លើជម្លោះពាណិជ្ជកម្ម ដូចជា ករណី (Anti-dumping និង anti subsidies) ហើយក្នុងនោះ​ប្រហែលពាក់កណ្តាល​ប៉ុណ្ណោះដែល​មានសមត្ថភាព​គ្រប់គ្រាន់​ក្នងការដោះស្រាយបណ្តឹងឧទ្ធណ៍របស់​អង្គការ​ពាណិជ្ជកម្មពិភពលោក។

កាលពីថ្ងៃសៅរ៍​កន្លងទៅ ក្រសួងពាណិជ្ជកម្មចិន បាន​ចេញផ្សាយនូវច្បាប់​សម្រាប់​ទប់ទល់​នឹង​ការរឹតបន្តឹង និងច្បាប់​​អយុត្តិធម៌ដែលធ្វើឡើង​ដោយ​បរទេស ទៅលើ​ក្រុមហ៊ុន និងពលរដ្ឋចិន ពោលគឺ​នៅពេលដែលពលរដ្ឋចិន និងក្រុមហ៊ុនចិន ដែល​ទទួលរង​ការខាត់បងផលប្រយោជន៍នោះ ផ្នែក​ដែលពាក់ព័ន្ធរបស់ចិន នឹង​ផ្តល់ការគាំទ្រចាំបាច់ដល់ពួកគេ៕

ប្រភព៖ Wionews