Honda Click ស៊េរី​ថ្មី​ឆ្នាំ២០២១ ជា​ប្រភេទ​ម៉ូតូ​លេខអូតូ​ដែល​មាន​ជម្រើស​កម្លាំងម៉ាស៊ីន 125i និង150i កំពុងតែមានប្រជាប្រិយភាពច្រើនពីអ្នកនិយមជិះនៅខ្មែរ។

អាច​ថា​ជម្រើស​ដ៏​ល្អ​មួយ​សម្រាប់​ម៉ូតូ Honda Click ដែល​មាន ២ ជម្រើសអ្នក​ទិញ​អាច​ជ្រើស​យក​កម្លាំង​ម៉ាសុីន 125សេសេ ឬ150សេសេ ដែលកំពុង​ដាក់លក់នៅលើទីផ្សារតាម​ហាង​មានតម្លៃខុសគ្នាចន្លោះពី ៥០០ ទៅ ៦០០ដុល្លារ។ និងមានពណ៌គឺ ពណ៌ខ្មៅលាយទឹកក្រូច សលាយទឹកក្រូច(កម្លាំង ១៥០) ឯកម្លាំង ១២៥ ពណ៌ច្រើនដូចជា លឿងសុទ្ធ សលាយ​ក្រហម ពណ៌ខៀវ ពណ៌ខ្មៅ និងពណ៌ក្រហម។

តាមប្រភពពីហាងនៅម្ដុំគិរីរម្យ តម្លៃលក់នៅពេលបច្ចុប្បន្នសម្រាប់កម្លាំងម៉ាស៊ីន 150សេសេ មានតម្លៃប្រមាណជា ៣ ៣០០ ដុល្លារ តែ​សម្រាប់​ស្តុក​កម្លាំង​ម៉ាសុីន​នេះ​នៅ​មាន​ស្តុក​តិច​តួច​នៅ​តាម​ហាង​ប៉ុណ្ណេះ និងកម្លាំងម៉ាស៊ីន 125សេសេ មានតម្លៃប្រមាណជា ២ ៧០០ដុល្លារ (តម្លៃអាចខុសគ្នាតិចតួចពីហាងមួយទៅហាងមួយ)។

Honda Click ស៊េរីថ្មីមានដូចជា បំពាក់អំពូលភ្លើង LED កន្ទុយភ្លើងក្រោយជាប្រភេទ LED រចនាចង្កៀងបែបថ្មី ប្រើប្រព័ន្ធហ្វ្រាំងថាស មានបន្ថែមស្តុបឲ្យសញ្ញាពីរ លៀនចេញក្រៅ កុងទ័រអេឡិចត្រូនិច សោឆ្លាតវៃ (Smart Key) ធុងផ្ទុកប្រេងឥន្ធនៈមានចំណុះ ៥,៥ លីត្រ ទម្ងន់សរុបមិនគិតពីប្រេងឥន្ធនៈគឺ ១០៩ គីឡូក្រាម និងឃ្លុបដាក់ឥវ៉ាន់ក្រោមកែបមានទំហំធំ ៕