សពវីរនារីបាតុករ ត្រូវអាជ្ញាធរមីយ៉ាន់ម៉ា គាស់ឡើងមកវិញ

2021-03-07 13:00:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាជ្ញាធរមីយ៉ាន់ម៉ា បានគាស់សាកសពយុវតី Kyal Sin អាយុ១៩ឆ្នាំដែលជាវីរនារីបាតុករ ដើម្បីធ្វើកោសល្យវិច្ច័យបញ្ជាក់ថា ការស្លាប់របស់នាងមិនមែនដោយសារត្រូវប៉ូលិសបាញ់ចំនោះទេ។

គួររំលឹកថា Kyal Sin ត្រូវបានរាយការណ៍ថា បានស្លាប់ក្នុងអំឡុងធ្វើបាតុកម្មប្រឆាំងនឹងយោធាមីយ៉ាន់ម៉ា កាលពីថ្ងៃទី៣ ខែមីនា ឆ្នាំ២០២១ ដោយរូបនាងត្រូវប៉ូលិសមីយ៉ាន់ម៉ាបង្ក្រាបបាញ់ចំក្បាល។

យ៉ាងណាមិញ គ្រូពេទ្យកោសល្យវិច្ច័យ បានរកឃើញថា មុខរបួសនៅត្រង់ចំណុចក្បាលផ្នែកខាងក្រោយ ដែលមានទំហំត្រឹម ០,៧សង់ទីម៉ែត្រ គឺវាខុសគ្នានឹងទំហំគ្រាប់កាំភ្លើងដែលប្រើដោយប៉ូលិស។ នេះបើតាមការចេញផ្សាយរបស់ទូរទស្សន៍រដ្ឋ MRTV កាលពីថ្ងៃទី៦ ខែមីនា ឆ្នាំ២០២១។

ប្រភពដដែលបន្តថា ក្នុងពេលបង្ក្រាប គឺប៉ូលិសនៅទល់មុខគ្នានឹងបាតុករ តែរបួសបែរជានៅខាងក្រោយក្បាលទៅវិញ។ មានន័យថា Kyal Sin អាចនឹងត្រូវបាញ់ចំស្លាប់ដោយកាំភ្លើងរបស់បាតដៃទីបី៕

ប្រភព៖ Channelnewsasia