ច្បាប់ថ្មី៖ រាជរដ្ឋាភិបាល មានសិទ្ធិដាក់ចេញវិធានការសុខាភិបាល ក្នុងនោះមានទាំងការចាក់វ៉ាក់សាំង

2021-03-12 01:16:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមមាត្រា៣ នៃច្បាប់ស្តីពី «វិធានការទប់ស្កាត់ការឆ្លងរាលដាលនៃជំងឺកូវីដ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត» មានខ្លឹមសារថា៖

ក្នុងគោលដៅប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ១៩ នៅក្នុងព្រះរាជាណាចក្រកម្ពុជា រាជរដ្ឋាភិបាលមានសិទ្ធិដាក់ចេញនូវវិធានការសុខាភិបាលចាំបាច់នានា មានជាអាទិ៍៖

សម្តេច ហ៊ុន សែន អញ្ជើញចាក់វ៉ាក់សាំងកូវីដ១៩ នៅមន្ទីរពេទ្យកាល់ម៉ែត្រ កាលពីថ្ងៃទី៤មីនា ២០២១ (រូបថត៖ AKP)

-ការធ្វើអនាម័យ

-ការពាក់ម៉ាស

-ការរក្សាគម្លាតសុវត្ថិភាពសង្គម

-ការយកសំណាកទៅវិភាគរកមេរោគកូវីដ១៩

-ការធ្វើចត្តាឡីស័ក

-ការដាក់ឱ្យនៅដាច់ដោយឡែកដើម្បីទទួលការព្យាបាល

-ការចាក់វ៉ាក់សាំងការពារជំងឺកូវីដ១៩

-ការធ្វើសេចក្តីប្រកាសសុខភាព និង

-វិធានការសុខាភិបាលផ្សេងទៀតដែលមានភាពចាំបាច់ ដើម្បីឆ្លើយតបនិងទប់ស្កាត់ការឆ្លងរាលដាលនៃជំងឺកូវីដ១៩។

ខ្លឹមសារលម្អិតនៃវិធានការសុខាភិបាលខាងលើ ត្រូវកំណត់ដោយអនុក្រឹត្យ។

ក្នុងករណីបន្ទាន់ និងចាំបាច់ រាជរដ្ឋាភិបាលអាចប្រគល់សិទ្ធិដល់ក្រសួងសុខាភិបាល ដើម្បីដាក់ចេញនូវវិធានការសុខាភិបាលផ្សេងថែមទៀត សំដៅទប់ស្កាត់ការឆ្លងរាលដាលនៃជំងឺកូវីដ១៩ ឱ្យបានទាន់ពេលវេលា៕