ខេត្តតាកែវ បានក្លាយជាខេត្តថ្មី​ទី១១ ដែល​ជួបករណីឆ្លង​កូវីដ១៩ ក្នុងព្រឹត្តិការណ៍សហគមន៍២០កុម្ភៈ ដែលករណីថ្មីនេះ ត្រូវរកឃើញ​លើ​បុរសជនជាតិខ្មែរ អាយុ៣២ឆ្នាំ មាន​អាសយដ្ឋាននៅភូមិពន្លឺ ឃុំជំរះពេន ស្រុកសំរោង។ នេះបើតាម​សេចក្តីប្រកាសព័ត៌មាន​របស់​ក្រសួងសុខាភិបាល នៅព្រឹកថ្ងៃទី១៧ ខែមីនា ឆ្នាំ​២០២១។

​សូមជម្រាប​ថា រាជធានីខេត្ត​ដែលមានករណីឆ្លងក្នុងសហគមន៍នេះរួចមកហើយរួមមាន៖ ភ្នំពេញ, កណ្តាល, ព្រះសីហនុ, ស្វាយរៀង, កោះកុង, ព្រៃវែង, កំពង់ចាម, កំពង់ធំ, សៀមរាប និងបាត់ដំបង។

គិតត្រឹមថ្ងៃទី១៧មីនានេះ កម្ពុជាមានករណីឆ្លងកូវីដ១៩សរុប ១៥០៥នាក់​ ក្នុងនោះជាសះស្បើយ ៨៤០នាក់ និង​ស្លាប់ ១នាក់។ បើគិតតែសហគមន៍២០កុម្ភៈ មានចំនួន ៩៩០នាក់ ក្នុងនោះជាសះស្បើយ ៣៤០នាក់៕