នាយករដ្ឋមន្រ្តីថៃ លោក ប្រាយុទ្ធ ចាន់អូចា បានបញ្ជាក់​ថា ក្រោយចាក់វ៉ាក់សាំង​ AstraZeneca បាន ១៥នាទី កាលពីថ្ងៃទី១៦ ខែមីនា ឆ្នាំ​២០២១ គឺលោក​គ្មានប្រតិកម្ម ឬផលរំខានអ្វីនោះទេ ពោលគឺការបញ្ជាក់នេះ ជាការបង្ហាញ​ទំនុកចិត្ត​ដល់សាធារណជន ក្រោយមានករណីឈាមកកកើតឡើង។

លោក​បន្តថា មិនត្រឹមតែលោកម្នាក់ឯងទេ សូម្បីតែមន្រ្តីជាន់ខ្ពស់រដ្ឋាភិបាលថៃដទៃទៀត ដែលបានទទួលចាក់វ៉ាក់សាំងនេះរួមជាមួយលោក ក៏មានសុខភាពល្អធម្មតាផងដែរ។

លើសពីនេះ លោក​ប្រាយុទ្ធ ក៏បានជំរុញ​ឱ្យ​ក្រសួង​សុខភាព​សាធារណៈ អនុញ្ញាតាឱ្យនាំ​ចូលវ៉ាក់សាំង​ដោយចាំបាច់​មានការយល់ព្រមពី​រដ្ឋាភិបាលឡើយ ដោយមានបំណង​ចាក់ឱ្យប្រជាជន​ ឱ្យបាន​ ១០លាននាក់​ក្នុងមួយខែ៕