ក្រសួង​ការងារ និងបណ្តុះបណ្តាល​វិជ្ជាជីវៈ បាន​ចេញ​សេចក្តីណែនាំ​ដោយ​អនុញ្ញាឱ្យកម្មករ​និយោជិត​ទាំងអស់​របស់ខ្លួន​ឈប់សម្រាក​ដោយមាន​ប្រាក់​ឈ្នួល​ក្នុងពិធី​បុណ្យចូលឆ្នាំខ្មែរ​រយៈពេល៣ថ្ងៃ ចាប់ពីថ្ងៃទី១៤ ដល់ ១៦ ខែមេសា ឆ្នាំ​២០២១។

ប្រសិន​បើ​បុគ្គលិក កម្មករនិយោជិត លើកការឈប់សម្រាកដោយបន្តធ្វើការដដែល នោះ​នឹងអាចឈប់​បន្ថែម​ជាមួយថ្ងៃឈប់សម្រាក​ក្នុងពិធី​បុណ្យភ្ជុំបិណ្ឌ ឬថ្ងៃឈប់សម្រាកណាមួយ​សមស្របនាពេលខាងមុខ។ កិច្ចព្រមព្រៀងត្រូវ​ធ្វើជាលាយលក្ខណ៍អក្សរ និងរក្សាទុក​សម្រាប់​ការត្រួតពិនិត្យ​របស់​អធិការ​ការងារ។ ចំពោះ​ការបំពេញ​ការងារ​នៅថ្ងៃឈប់សម្រាកនេះ ការផ្តល់​ប្រាក់​ឈ្នួល ត្រូវអនុវត្ត​តាម​អត្រាប្រាក់ឈ្នួល​នៃថ្ងៃធ្វើការ​ធម្មតា៕