អ្នកនាំពាក្យ​រាជរដ្ឋាភិបាល បញ្ជាក់​មូលហេតុ​ដែល​ផ្អាកធ្វើសមយុទ្ធយោធា​ជាមួយ​ចិន

  • 2021-03-24 08:28:47
  • ចំនួនមតិ 0 | ចំនួនចែករំលែក 0

ចន្លោះមិនឃើញ


អ្នកនាំពាក្យរាជរដ្ឋាភិបាលកម្ពុជា លោក ផៃ ស៊ីផាន បានថ្លែងនៅក្នុងបទសម្ភាសន៍ផ្តាច់មុខមួយ ដែលធ្វើឡើងដោយភ្នាក់ងារ​សារព័ត៌មាន A24 ថា សេចក្តីសម្រេច​របស់​រាជរដ្ឋាភិបាល​កម្ពុជា នាពេលថ្មីៗនេះ​ក្នុងការផ្អាកសមយុទ្ធយោធារបស់ខ្លួន ជាមួយប្រទេសចិន មិនមែនជារឿងនយោបាយនោះទេ ប៉ុន្តែដោយសារតែការរីករាលដាលនៃមេរោគ​កូវីដ១៩ និង ដើម្បីការពារអាយុជីវិតពលរដ្ឋ ដោយការប្រកាន់ខ្ជាប់នូវវិធានការរក្សាគម្លាត។

លោក ផៃ ស៊ីផាន បានសង្កត់ធ្ងន់ថា ប្រទេសកម្ពុជាមិនមែនជាកម្មសិទ្ធរបស់ប្រទេសចិន និងក៏មិនមែនជាកម្មសិទ្ធ របស់សហរដ្ឋអាមេរិកដែរ ហើយប្រទេសកម្ពុជានឹងមិនអនុញ្ញាតឱ្យប្រទេសណាមួយ ប្រើប្រាស់ទឹកដី របស់ខ្លួនជាមូលដ្ឋានយោធានោះឡើយ។

លោក​ក៏​បានមានប្រសាសន៍ផងដែរថា ការសម្រេចផ្អាកសមយុទ្ធយោធារួមគ្នា ជាមួយប្រទេសចិន នេះ ក៏​មិនមាន​អ្វីជាប់ពាក់ព័ន្ធ​នឹងការជាប់ឆ្នោត​របស់ លោក ចូ បៃដិន ជាប្រធានាធិបតី​សហរដ្ឋអាមេរិក​នោះដែរ ហើយ​ប្រទេសកម្ពុជា គោរព​តាមការសម្រេចចិត្ត​របស់អ្នក​បោះឆ្នោត​អាមេរិក។

បើតាម​លោក ផៃ ស៊ីផាន គោលនយោបាយ​ការបរទេស​របស់​កម្ពុជា គឺត្រូវគោរព​តាម​គោលការណ៍ អព្យា​ក្រឹតភាព និង​កិច្ចសហប្រតិបត្តិការជាមួយប្រទេសទាំងអស់ ដើម្បី​ធ្វើឱ្យមាន​សុខសន្តិភាព និងស្ថិរភាព​នៅលើ​ពិភពលោក៕

សូមទស្សនាវីដេអូកិច្ចសម្ភាសន៍ខាងក្រោម៖

អត្ថបទ និងវីដេអូ ផ្ដល់សិទ្ធិដោយ A24

អត្ថបទថ្មី
;