នាយករដ្ឋមន្រ្តីថ្មី​របស់​ឡាវ ដាក់ចេញ​គោលនយោបាយ​បន្ទាន់​៧ចំណុច ស្រោចស្រង់​ប្រទេសឡើង​វិញ

  • 2021-03-25 06:26:53
  • ចំនួនមតិ 0 | ចំនួនចែករំលែក 0

ចន្លោះមិនឃើញ


លោក Phankham Viphavanh នាយករដ្ឋមន្រ្តី​ថ្មី​នៃប្រទេស​ឡាវ បាន​ដាក់​ចេញ​គោលនយោបាយ​បន្ទាន់ ៧ចំណុច សម្រាប់​រយៈពេល៥ឆ្នាំ ពីឆ្នាំ ២០២១ ដល់ ២០២៥ ជាពិសេស​គឺសម្រាប់​ស្រោចស្រង់​ប្រទេសឡើងវិញ ក្រោយ​វិបត្តិជំងឺកូវីដ១៩។

គោលនយោបាយ ៧ចំណុចរួមមាន៖

១. ដោះស្រាយ​បញ្ហាបំណុលសាធារណៈ និង​ហិរញ្ញវត្ថុ

២. ចាត់វិធានការ​ប្រឆាំង​អំពើពុករលួយ គ្រឿងញៀន និង​សុវត្ថិភាពចរាចរណ៍

៣. ស្រោចស្រង់​សេដ្ឋកិច្ចឡើងវិញ ដូចជា​បង្កើតការងារ និងការកាត់បន្ថយការពឹងផ្អែកលើធនធានធម្មជាតិ

៤. ជំរុញ​ផលិតផល និងសេវាកម្ម

៥. កាត់បន្ថយ​គម្លាតខុសគ្នារវាងអ្នកទីក្រុង និងអ្នកជនបទ លើសេវាសាធារណៈ សុខាភិបាល និងការអប់រំ

៦. ការអភិវឌ្ឍធនធានមនុស្ស

៧. បង្កើនតម្លៃ​រូបិយបណ្ណ។

នាយករដ្ឋមន្រ្តីថ្មីរូបនេះ រំពឹងថា ឡាវ​នឹងសម្រេច​កំណើន​សេដ្ឋកិច្ច​មិនឱ្យទាបជាង ៤% ក្នុងមួយឆ្នាំឡើយ និង​ជួយឱ្យប្រទេស​ចាកចេញពីឋានៈប្រទេសក្រីក្របន្តិចម្តងៗ៕

ប្រភព៖ Thelaotiantime

អត្ថបទថ្មី
;