សម្តេចតេជោ បញ្ជាឱ្យផ្តោតចាក់វ៉ាក់សាំងនៅភ្នំពេញ និងកណ្តាល ហើយថាវានឹងក្លាយជាកាតព្វកិច្ច មិនមែនស្ម័គ្រចិត្តទៀតឡើយ
- 2021-04-06 12:53:57
- ចំនួនមតិ 0 | ចំនួនចែករំលែក 0
សម្តេចតេជោ បញ្ជាឱ្យផ្តោតចាក់វ៉ាក់សាំងនៅភ្នំពេញ និងកណ្តាល ហើយថាវានឹងក្លាយជាកាតព្វកិច្ច មិនមែនស្ម័គ្រចិត្តទៀតឡើយ
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានថ្លែងសារជាសំឡេងនៅល្ងាចថ្ងៃទី៦ ខែមេសា ឆ្នាំ២០២១នេះ ដោយបានចេញបញ្ជាឱ្យផ្តោតលើការចាក់វ៉ាក់សាំងកូវិដ១៩ ដល់ប្រជាជនទូទៅនៅក្នុងរាជធានីភ្នំពេញ និងខេត្តកណ្តាល នៅពេលដែលវ៉ាក់សាំងថ្មីមកដល់ជាបន្តបន្ទាប់។
សម្តេចតេជោ លើកឡើងថា ការចាក់វ៉ាក់សាំងដោយផ្តោតលើតំបន់នេះ គឺដើម្បីឱ្យមានភាពសុំា បង្ការការចម្លងជំងឺកូវីដ១៩ ចេញពីតំបន់ទាំងពីរ ទៅកាន់បណ្តាខេត្ត និងមិនឱ្យមានការឆ្លងពីបណ្តាខេត្តចូលមកវិញ។
ទន្ទឹមនឹងនេះ សម្តេច ហ៊ុន សែន ក៏បានណែនាំឱ្យពិនិត្យមើលការចាក់វ៉ាក់សាំងផ្តោតលើតំបន់ជាប់ផ្លូវជាតិលេខ៤ លេខ៣ និងលេខ២ ដែលជាតំបន់រោងចក្រ និងនៅកៀករាជធានីភ្នំពេញ។
ប្រមុខរាជរដ្ឋាភិបាល ក៏បានគូសបញ្ជាក់បន្ថែមដែរថា ឥឡូវនេះការចាក់វ៉ាក់សាំងគឺជាការស្ម័គ្រចិត្ត ប៉ុន្តែនាពេលខាងមុខ វានឹងក្លាយជាកាតព្វកិច្ចពោលគឺសម្រាប់ដាក់ពាក្យសុំធ្វើការ និងការធ្វើដំណើរទៅក្រៅប្រទេសជាដើម ដែលតម្រូវឱ្យមានការចាក់វ៉ាក់សាំង៕