រុស្ស៊ី ប្រាប់ឱ្យស្លូវ៉ាគី ប្រគល់វ៉ាក់សាំង Sputnik V មកឱ្យខ្លួនវិញជាបន្ទាន់

2021-04-12 05:52:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រុស្ស៊ី បានប្រាប់ទៅភាគីស្លូវ៉ាគី ឱ្យប្រគល់វ៉ាក់សាំង Sputnik V មកឱ្យខ្លួនវិញ ដោយចោទថាបានបំពានកិច្ចសន្យា។

ការទាមទារនេះ បន្ទាប់ពីវិទ្យាស្ថានគ្រប់គ្រងឱសថរបស់ស្លូវ៉ាគី បានចោទប្រកាន់ថា វ៉ាក់សាំង Sputnik V ដែលរុស្ស៊ីដឹកមកឱ្យខ្លួននោះ គឺជាប្រភេទផ្សេងគ្នាពីវ៉ាក់សាំងដែលដឹកទៅប្រទេសនានា។

វិទ្យាស្ថាននេះ ថាខ្លួនមិនទទួលបានព័ត៌មានគ្រប់គ្រាន់អំពីវ៉ាក់សាំង Sputnik V នេះដើម្បីវាយតម្លៃពីផលប្រយោជន៍ និងហានិភ័យនោះទេ។

ភាគីរុស្ស៊ី បានហៅការលើកឡើងរបស់ស្លូវ៉ាគី អំពីប្រភេទវ៉ាក់សាំង Sputnik V ផ្សេងគ្នាថា ជាព័ត៌មានក្លែងក្លាយ។ «រាល់វ៉ាក់សាំង Sputnik V ទាំងអស់គឺមានគុណភាពដូចគ្នា និងការគ្រប់គ្រងគុណភាពយ៉ាងហ្មត់ចត់ នៅវិទ្យាស្ថាន Gamaleya។ គុណភាពវ៉ាក់សាំង Sputnik V ត្រូវបានបញ្ជាក់ដោយនិយ័តករក្នុងប្រទេស ៥៩»៕

ប្រភព៖ Euro News