ឥឡូវប្រជាជនអ៊ីស្រាអែល ជុំគ្នាសប្បាយៗមិនបាច់ពាក់ម៉ាសទេ ព្រោះចាក់វ៉ាក់សាំងបានជោគជ័យ

2021-04-19 01:00:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចាប់តាំងពីថ្ងៃទី១៨ ខែមេសា ឆ្នាំ២០២១ម្សិលមិញមក ប្រជាជនអ៊ីស្រាអែលពេលចេញក្រៅផ្ទះ គឺមិនតម្រូវឱ្យពាក់ម៉ាសទៀតឡើយ ដែលនេះជាសញ្ញាដ៏ធំមួយក្នុងការវិលទៅរកជីវិតធម្មតាមុនគេក្នុងលោករបស់ប្រទេសនេះ។

ការដកចេញនូវតម្រូវការពាក់ម៉ាសនេះ ធ្វើឡើងខណៈដែលអ៊ីស្រាអែល មានករណីឆ្លងកូវីដ១៩តិច និងការចាក់វ៉ាក់សាំង (Pfizer) បានច្រើនលើសលប់។ ក្នុងចំណោមប្រជាជនជាង ៩លាននាក់ ក្នុងនោះ ៥៤,៩% ចាក់បានគ្រប់២ដូស និង ៥៩,១% ចាក់បានដូសទីមួយ។ បូករួមទាំងអ្នកជាសះស្បើយពីកូវីដ១៩ទៀត អ៊ីស្រាអែលត្រូវបានគេជឿជាក់ថា គឺមានភាពសុំានឹងវីរុសទៅហើយ។

លោក Benjamin នាយករដ្ឋមន្រ្តីអ៊ីស្រាអែល បានថ្លែងថា៖ «ឥឡូវនេះ យើងកំពុងនាំមុខគេក្នុងពិភពលោក នៅពេលចាកចេញពីជំងឺរាតត្បាត។ ប៉ុន្តែយើងមិនទាន់បញ្ចប់ជំងឺនេះទាំងស្រុងនៅឡើយទេ។ វាអាចត្រឡប់វិលមកវិញ។»

យ៉ាងណាក៏ដោយ ការពាក់ម៉ាសនៅតែតម្រូវផងដែរនៅកន្លែងបិទជិត ដែលមានការប្រមូលផ្តុំមនុស្សច្រើន ពោលគឺរដ្ឋាភិបាលអ៊ីស្រាអែល ជំរុញឱ្យប្រជាជនគួរយកម៉ាសតាមខ្លួន៕

ប្រភព៖ Reuters