ក្រុមហ៊ុនថៃ កំពុងឱ្យអឺរ៉ុប និងអាមេរិក ពិនិត្យគុណភាពវ៉ាក់សាំងរបស់ខ្លួន
- 2021-04-21 02:26:01
- ចំនួនមតិ 0 | ចំនួនចែករំលែក 0
ក្រុមហ៊ុនថៃ កំពុងឱ្យអឺរ៉ុប និងអាមេរិក ពិនិត្យគុណភាពវ៉ាក់សាំងរបស់ខ្លួន
ចន្លោះមិនឃើញ
ក្រុមហ៊ុន Siam Bioscience Co នៃប្រទេសដែលទទួលអាជ្ញាបណ្ណផលិតវ៉ាក់សាំងពីក្រុមហ៊ុនអង់គ្លេស AstraZeneca បានបញ្ជាក់កាលពីថ្ងៃទី១៨មេសាថា ខ្លួននឹងចែកចាយវ៉ាក់សាំងកូវីដ១៩ទាន់ពេល បន្ទាប់ពីត្រួតពិនិត្យគុណភាព និងប្រសិទ្ធភាពរួច។
ក្រុមហ៊ុនថៃនេះកំពុងដំណើរការក្នុងការបញ្ជូនគំរូវ៉ាក់សាំងដែលខ្លួនផលិត ទៅកាន់មន្ទីរពិសោធន៍នៅអឺរ៉ុប និងអាមេរិក ដើម្បីត្រួតពិនិត្យគុណភាព។ ពេលមន្ទីរពិសោធន៍នោះ ទទួលស្គាល់គុណភាពហើយ ក្រុមហ៊ុននឹងសុំចុះបញ្ជីជាមួយរដ្ឋបាលឱសថ និងចំណីអាហារថៃ ដើម្បីអាចផលិត និងចែកចាយក្នុងស្រុក។
ក្រុមហ៊ុន Siam Bioscience Co បន្តថា ពេលផលិតវ៉ាក់សាំងរួចហើយ នឹងត្រូវបញ្ជូនទៅក្រុមហ៊ុន AstraZeneca ដើម្បីត្រួតពិនិត្យគុណភាព និងសុវត្ថិភាពជាចុងក្រោយ ហើយចែកចាយដល់ប្រជាជនថៃ តាមរយៈរដ្ឋាភិបាល នៅខែកក្កដាខាងមុខ តាមការគ្រោងទុក។
ក្រុមហ៊ុនដដែលអះអាងថា រោងចក្ររបស់ខ្លួនមានសមត្ថភាពផលិតវ៉ាក់សាំងក្នុងអត្រាប្រហែលនឹងការផលិតនៅអូស្ត្រាលី និងកូរ៉េខាងត្បូង ដែលប្រើបច្ចេកវិទ្យាដូចគ្នាពីក្រុមហ៊ុន AstraZeneca៕