ផ្លូវការ! ជំនួបរវាង Floyd ជាមួយតារាយូធូប Lagan Paul នឹងវាយនៅដើមខែមិថុនា
- 2021-04-28 03:20:36
- ចំនួនមតិ 0 | ចំនួនចែករំលែក 0
ផ្លូវការ! ជំនួបរវាង Floyd ជាមួយតារាយូធូប Lagan Paul នឹងវាយនៅដើមខែមិថុនា
ចន្លោះមិនឃើញ
Floyd Mayweather ប្រកួតជាមួយតារាយូធូប Logan Paul ត្រូវបានប្រកាសនឹងរៀបចំនៅថ្ងៃទី ៦ ខែ មិថុនា ឆ្នាំ ២០២១ ខាងមុននេះ។
តាមពិតទៅតាមគម្រោង ការប្រកួតនេះគេត្រូវធ្វើនៅខែ កុម្ភៈដើមឆ្នាំនេះ ប៉ុន្តែក៏ត្រូវផ្អាកវិញ។ ប៉ុន្តែពេលនេះមានការប្រកាសថ្មីជំនួបរវាងអ្នកប្រដាល់មិនដែលចាញ់ Floyd ជាមួយ Logan ដែលជាប្រកួតបែបមិត្តភាព នឹងរៀបចំនៅទីក្រុង Miami។
Logan Paul ធ្លាប់ប្រកួតប្រដាល់សកលបានម្ដងគត់ ដោយកាលនោះចាញ់ KSI ដែលជាតារាយូធូបដូចគ្នាកាលពីខែ វិច្ឆិកា ឆ្នាំ ២០១៩។ សម្រាប់ Floyd វាគឺជាលើកទី៣ហើយដែលគេចេញមកប្រកួតបែបមិត្តភាពជាមួយអ្នកដែលមិនមែនអាជីពប្រដាល់សកលដូចនេះ។
លើកដំបូងរបស់ Mayweather បានប្រកួតជាមួយជើងខ្លាំងគុនចម្រុះ Conor MaGregor កាលពីឆ្នាំ២០១៥ កាលនោះទទួលបានជ័យជម្នះ។ ហើយលើកចុងក្រោយឈ្នះអ្នកប្រដាល់ Kickboxing ជប៉ុន Tenshin Nasukawa នៅឆ្នាំ២០១៨៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
