តៃវាន់ ប្តេជ្ញា​ចូលរួមប្រជុំនៅ WHO ឱ្យបាន តែចិនថា No

  • 2021-05-11 08:21:40
  • ចំនួនមតិ 0 | ចំនួនចែករំលែក 0

ចន្លោះមិនឃើញ


តៃវ៉ាន់​បានបង្ហាញ​ការប្តេជ្ញាចិត្តរបស់ខ្លួន ក្នុងការ​ចូលរួម​កិច្ចប្រជុំរបស់​អង្គការសុខភាព​ពិភពលោក (WHO) ដែល​ធ្វើឡើង​នៅថ្ងៃទី២៤ឧសភាខាងមុខ ប៉ុន្តែ​ចិនថា ក្នុងកិច្ចប្រជុំនេះ គឺគ្មានកៅអី​សម្រាប់តៃវ៉ាន់ទេ ខណៈ​ដែលចិន​តែងចាត់ទុកតៃវ៉ាន់​ជាខេត្តមួយរបស់ខ្លួន។

អ្នកនាំពាក្យ​ក្រសួងការបរទេស​តៃវ៉ាន់ លោកស្រី Joanne Ou ថ្លែងកាលពីថ្ងៃទី១០ឧសភាម្សិលមិញថា «មកដល់ពេលនេះ​ តៃវ៉ាន់​មិនទាន់ទទួលបាន​ការអញ្ជើញ​នោះទេ។ ប៉ុន្តែក្រសួង​នឹង​បន្ត​ធ្វើការ​ជាមួយ​​ក្រសួង​សុខាភិបាល ដើម្បីប្រយុទ្ធដល់​នាទីចុងក្រោយ ហើយធ្វើអ្វីៗគ្រប់យ៉ាង​ដើម្បីសិទ្ធិរបស់យើង ដើម្បីចូលរួម​កិច្ចប្រជុំនេះ»។

យ៉ាងណាមិញ ជុំវិញរឿងតៃវ៉ាន់នេះ អង្គការ​ WHO បញ្ជាក់ថា ​ការ​អញ្ជើញ​តៃវ៉ាន់​ឱ្យចូលរួមកិច្ចប្រជុំ ឬអត់នោះ គឺវាអាស្រ័យ​ទៅលើ​រដ្ឋជាសមាជិកទាំងអស់ ពោលគឺនឹង​អាចមានការបោះឆ្នោត ហើយនឹងផ្តល់ឱកាសឱ្យចិន ដើម្បី​ទាក់ទាញ​ប្រទេសដទៃ ហាម​មិនឱ្យតៃវ៉ាន់ចូលរួម៕

ប្រភព៖ Reuters

;