នៅឥណ្ឌូណេស៊ី អ្នកចាក់ Sinovac ហើយ ទោះឆ្លងកូវីដ គឺ ៩៦% មិនចាំបាច់ទៅពេទ្យទេ

2021-05-12 01:46:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការសិក្សាពីការចាក់វ៉ាក់សាំង Sinovac នៅប្រទេសឥណ្ឌូណេស៊ី ទៅលើបុគ្គលិកពេទ្យ ២៥ ៣៧៤នាក់ ក្រោយចាក់លើកទី២ រយៈពេល ២៨ថ្ងៃ បង្ហាញថា វ៉ាក់សាំងនេះមានប្រសិទ្ធភាព ១០០% ការពារមិនឱ្យស្លាប់ដោយសារជំងឺកូវីដ១៩ និងប្រសិទ្ធភាព ៩៦% មិនចាំបាច់ចូលមន្ទីរពេទ្យព្យាបាលទោះឆ្លងក៏ដោយ។ នេះបើតាមការបញ្ជាក់របស់លោក Budi Gunadi Sadikin រដ្ឋមន្រ្តីក្រសួងសុខាភិបាល ក្នុងកិច្ចសម្ភាសន៍មួយ កាលពីថ្ងៃទី១១ ខែឧសភា ឆ្នាំ២០២១។

បុគ្គលិកពេទ្យខាងលើនេះ ត្រូវបានតាមដានសិក្សារហូតដល់ចុងខែកុម្ភៈ ឆ្នាំ២០២១ បន្ទាប់ពីឥណ្ឌូណេស៊ី បានចាប់ផ្តើមយុទ្ធនាការចាក់វ៉ាក់សាំងនៅខែមករា។

លោកនិយាយថា ៩៤% នៃបុគ្គលិកពេទ្យខាងលើ គឺត្រូវបានការពារពោលគឺភាពសុំា ពីការឆ្លងមេរោគនេះ ដែលជាលទ្ធផលដ៏អស្ចារ្យមួយហួសពីអ្វីដែលបានរំពឹងទុក ក្នុងអំឡុងការចាក់សាកល្បងគ្លីនីកកន្លងទៅ។

«យើងបានឃើញនូវការធ្លាក់ចុះការឆ្លងយ៉ាងគំហុក ក្នុងការបញ្ជូនអ្នកជំងឺទៅមន្ទីរពេទ្យ និងករណីស្លាប់ ក្នុងចំណោមបុគ្គលិកពេទ្យ»។

យ៉ាងណាមិញ លោកមិនទាន់អាចបញ្ជាក់នៅឡើយថាតើវ៉ាក់សាំង Sinovac អាចការពារការឆ្លងវីរុសបម្លែងថ្មីយ៉ាងណានោះទេ ដោយលោកគ្រាន់តែលើកឡើងថា ឥណ្ឌូណេស៊ីមិនទាន់មានការផ្ទុះករណីឆ្លងវីរុសបម្លែងថ្មីទ្រង់ទ្រាយធំនោះទេ៕

ប្រភព៖ Bloomberg