​កាល​ពី​ម្សិលមិញ​ថ្ងៃ​ទី ២៧ ​ឧសភា​ ​២០២១ ​វីដេអូ​និង​រូបភាព​កីឡដ្ឋាន​ Bernabeu ​របស់ ​Real Madrid ត្រូវ​បាន​គេ​ចែក​ចាយ​ព្រោងព្រាត​ពេញ​បណ្ដាញ​សង្គម​ ​ដោយសារ​នៅទីនោះមានអគ្គីភ័យឆាបឆេះមូលមីរ​ពូត​ជា​ផ្សែង​ហុយ​ ចេញ​ពី​មួយ​ផ្នែក​​នៃ​កីឡដ្ឋាន​កំពុង​សាងសង់​។ ​​ភ្លើង​នោះ​ ក៏​មិន​បង្ក​ជា​គ្រោះថ្នាក់​ធ្ងន់ធ្ងរ​ដល់​អាយុជីវិត​កម្មករ​នៅ​ទីនោះ​ដែរ។

​គេ​បាន​ដាក់​ការ​សង្ស័យ​ថា​ ​មូលហេតុ​បឋម​អាច​នឹង​មាន​អ្នក​លួច​ដុត​ ​បន្ទាប់​ពី​អ្នក​គាំទ្រ​ទួល​បាន​ដំណឹង​មិន​ល្អ​ពី​ក្លឹប​របស់ខ្លួន។ លោក​ Zinedine Zidane ​ជា​គ្រូបង្វឹក​នឹង​ចាកចេញ​។

នេះបើយោងតាមប្រភពដែល​រាយការណ៍​ដោយ​លោក Fabrizio Romano ​ជាអ្នក​សារព័ត៌មាន​រវល់​ជាង​គេ​ហើយ​ក៏​គួរ​ឲ្យ​ទុក​ចិត្ត​ជាង​គេ​ដែរ ក្នុង​អំឡុង​ពេល​រដូវ​កាល​ដោះដូរ​កីឡាករ​ ឬ ​គ្រូ​បង្វឹក​នៅ​អឺរ៉ុប៕