ក្រសួង​សុខាភិបាល​ឡាវ​ បាន​ប្រកាស​ថ្ងៃនេះថា ឡាវ​នឹងទទួលបាន​វ៉ាក់សាំងអាមេរិក Pfizer ប្រហែល ១០ម៉ឺនដូស ក្រោម​កម្មវិធីកូវ៉ាក់ ក្នុងរយៈពេល​ប៉ុន្មាន​ថ្ងៃខាងមុខនេះ។

វ៉ាក់សាំង Pfizer ដែលតម្រូវឱ្យរក្សាទុក​ក្នុងសីតុណ្ហភាព​ត្រជាក់ខ្លាំងបំផុត -៧០អង្សារសេ គឺ​ឡាវ​បាន​ត្រៀម​ទូទឹកកករួចស្រេចហើយ។

ឡាវ​គ្រោង​នឹង​ចាក់វ៉ាក់សាំងនេះ ឱ្យក្រុមអាទិភាព ៣ក្រុម រួមមាន​ គ្រូពេទ្យ មនុស្សវ័យចាស់ និង​អ្នកដែល​មានជំងឺច្រើន។

បច្ចុប្បន្ននេះ វ៉ាក់សាំង​ដែល​កំពុងប្រើនៅឡាវ រួមមាន Sinopharm, Sputnik V និង AstraZeneca។

ឡាវមានផែនការ​ចាក់វ៉ាក់សាំងឱ្យបាន​ ៥០% នៃប្រជាជនគោលដៅ ៧,២លាននាក់ ត្រឹមចុងឆ្នាំ​២០២១៕