សភាចិន​ បាន​សម្តែងក្តីឈឺចិត្ត និង​ជំទាស់ចំពោះ​សភាព​អាមេរិក ដែលបាន​អនុម័តច្បាប់​ប្រឆាំង​នឹងការគំរាម​កំហែងពី​បច្ចេកវិទ្យារបស់ចិន។

សេចក្តីថ្លែងការណ៍របស់​គណៈកម្មាធិការកិច្ចការបរទេសនៃសភាប្រជាជនចិន នៅថ្ងៃទី៩មិថុនានេះ លើកឡើងថា៖ «ច្បាប់នេះ​គឺបង្ហាញ​ពីស្មារតី​សង្គ្រាមត្រជាក់ បង្ខូច​កេរ្តិ៍ឈ្មោះ​គោលនយោបាយការបរទេស និងក្នុងស្រុក​របស់ចិន និង​ជាការជ្រៀតជ្រែកចូលកិច្ចការផ្ទៃក្នុង»។

សូមជម្រាប​ថា សភាអាមេរិក បានបោះឆ្នោតដោយសំឡេង ៦៨ ទល់នឹង ៣២ អនុម័តលើច្បាប់នេះ នៅថ្ងៃទី៨ មិថុនា ២០២១ ដើម្បីអាចឱ្យអាមេរិកពង្រឹង​បច្ចេកវិទ្យា និងបង្កើន​ការស្រាវជ្រាវ ពិសេស​ឧបករណ៍ទូរគមនាគមន៍ ឈីប និងស៊ឺមីកុងឌុចទ័រ ត្រៀម​ប្រជែង​នឹង​បច្ចេកវិទ្យា​របស់ចិន៕