Toyota ទើបបញ្ចេញរថយន្ត Land Cruiser ស៊េរីឆ្នាំ ២០២២ ដែលមានការប្រើប្រាស់ការឌីហ្សាញរូបរាងថ្មីទាំងស្រុង ក្រោយពីបានប្រើប្រាស់រចនាបថចាស់អស់រយៈពេលជាង ១០ឆ្នាំរួចមក។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

រថយន្តជំនាន់ថ្មីនេះ ត្រូវបានក្រុមហ៊ុនជប៉ុន Toyota បូកបន្ថែមបច្ចេកវិទ្យា គ្រឿងបង្គុំ និងមុខងារពិសេសៗជាច្រើនដូចជា៖

• មានរូបរាងថ្មីទាំងស្រុង
• បានប្ដូរមកប្រើប្រាស់គ្រោងឆ្អឹងថ្មីឈ្មោះថា TNGA ដែលមានទម្ងន់តួខ្លួនស្រាលជាងមុន
• មានជម្រើសម៉ាស៊ីនថ្មីចំនួនពីរប្រភេទ មួយជាម៉ាស៊ីន Twin-Turbo ចំណុះ ៣,៥ លីត្រ V6 ផលិតបានកម្លាំង ៤០៩សេះ និងមួយទៀតជា Twin-Turbo ដូចគ្នា ចំណុះ ៣,៣ លីត្រ V6 ប្រើម៉ាស៊ូត ផលិតថាមពលបាន ៣០៤សេះ
• មុខងារថ្មីបំផុត E-KDSS បង្កើនប្រសិទ្ធភាពបើកបរលើដងផ្លូវ
• បច្ចេកវិទ្យាសម្រាប់បើកបរលើផ្លូវ Off-Road
• មុខងារថ្មីបើកបរសុវត្ថិភាព Toyota Safety Sense

Toyota និយាយថានឹងបញ្ចេញលក់រថយន្ត Land Cruiser ស៊េរីឆ្នាំ២០២២ នៅដើមរដូវក្ដៅ (អំឡុងចុងខែមិថុនា ឬខែកក្កដា) នាពេលខាងមុខ រីឯតម្លៃក្រុមហ៊ុនមិនទាន់បានបង្ហើបឱ្យដឹងនោះឡើយ៕