លោក រ៉ូឌ្រីហ្គោ ឌូទើតេ ប្រធានាធិបតីហ្វីលីពីន បាន​សាកល្បងសមត្ថភាព​របស់ ម៉ាននី ប៉ាគីអាវ ដែល​ជាសមាជិកសភា ធ្វើយ៉ាងណា​រកឱ្យឃើញ​ស្ថាប័នពុករលួយ​ក្នុងប្រទេស ដើម្បី​បង្កើនប្រជាប្រិយភាព​មុនការបោះឆ្នោត​ជ្រើសរើស​ប្រធានាធិបតី​ឆ្នាំ​២០២២។

លោក ឌូទើតែ ថ្លែងកាលពីថ្ងៃទី២៨ មិថុនា ២០២១ ដូច្នេះថា៖ «ប៉ាគីអាវ នៅតែបន្តនិយាយអំពី​ស្ថានភាព​រដ្ឋបាល​បច្ចុប្បន្នរបស់យើង ច្រើនជាង អំពើពុករលួយ ៣ដង។ ដូច្នេះ ខ្ញុំបានសាកល្បងសមត្ថភាពគាត់ ដោយត្រូវឱ្យគាត់​រកឱ្យឃើញ​ស្ថាប័ន​ពុករលួយ ហើយទុកឱ្យខ្ញុំជាអ្នកចាត់ការ។ ត្រឹម១សប្តាហ៍ ខ្ញុំ​នឹងចាត់ការរឿងទាំងនេះ»។

លោក​ថ្លែងសំដៅទៅប៉ាគីអាវថា៖ «ប៉ុន្មានឆ្នាំនេះ អ្នកមិនបាននិយាយអ្វីសោះ ប៉ុន្តែអ្នកតែងតែទទួលបានការកោតសរសើរពីខ្ញុំ។ អ៊ីចឹងឥឡូវនេះ អ្នកត្រូវតែ​និយាយអំពីរឿងពុករលួយ។ អំពើពុករលួយនៅកន្លែងណា ការិយាល័យមួយណា»។

លោក ឌូទើតេ ព្រមានថា បើប៉ាគីអាវ បរាជ័យ​ក្នុងរឿងនេះ លោកនឹង​ឃោសនា​ទម្លាក់​ប្រជាប្រិយភាព​ ដោយប្រាប់មិនឱ្យប្រជាជន​បោះឆ្នោត​ឱ្យប៉ាគីអាវឡើយ៕